दुचाकीवरुन पडून एक जण ठार, एक जखमी

One killed, one injured after falling off bike मंगेश दुर्योधन जामनिक (२३ राहणार पळसो बढे) असे मृतकाचे नाव आहे.

ठळक मुद्दे डोक्याला गंभीर दुखापत झाल्याने तो घटनास्थळीच ठार झाला.  रोहन मेश्राम (२२) हा किरकोळ जखमी झाला.

मूर्तिजापूर : तालुक्यातील लाखपूरी येथील पूर्णा नदीच्या पुला जवळ भरधाव दुचाकीवरुन मागच्या मागे पडल्याने एक जण ठार झाला;  तर एक जण किरकोळ जखमी झाल्याची घटना शनिवारी संध्याकाळी ४:३० वाजताच्या दरम्यान घडली. मंगेश दुर्योधन जामनिक (२३ राहणार पळसो बढे) असे मृतकाचे नाव आहे.              अकोला तालुक्यातील बोरगाव मंजू पोलीस स्टेशन हद्दीतील पळसो बढे येथील दोन युवक काही कामानिमित्त दर्यापूर येथे गेले होते. एमएच ३० बीई ६४८० या क्रमांकाच्या दुचाकी वरुन परत येताना लाखपूरी येथील पुर्णा नदीच्या पुलाजवळ मंगेश दुर्योधन जामनिक (२३) हा दुचाकीच्या मागे बसला असताना तोल जाऊन मागच्या मागे पडल्याने त्याच्या डोक्याला गंभीर दुखापत झाल्याने तो घटनास्थळीच ठार झाला.  तर या घटनेने दुचाकीवरील नियंत्रण सुटल्याने दुचाकी चालक  रोहन मेश्राम (२२) हा दुचाकी घेऊन रस्त्याच्याकडेला पडल्याने किरकोळ जखमी झाला. दोघांनीही भरपुर मद्यप्राशन केल्याने हा अपघात घडल्याची माहीती आहे. घटनेची माहिती मिळताच येथील वंदेमातरम आपत्कालीन पथकाने घटनास्थळी धाव घेऊन जखमी व मृतकाला लक्ष्मीबाई देशमुख उपजिल्हा रुग्णालयात दाखल केले. पुढील तपास ग्रामीण पोलीस करीत आहेत.