अकोला: जन्माला आल्यानंतर जीवनाचा अंत जेथे होते ते मरण. आयुष्य चढ-उतारात जगल्यानंतर मरण सुखद यावे, यासाठी मनुष्य झटत असतो. मरणानंतरही अत्यंविधी सुकर व्हावा, यासाठीदेखील तरतूद करतो; परंतु काहींच्या नशिबी मृत्यूनंतरही हालअपेष्टा लिहिल्या असतात. मृतदेहाची विल्हेवाट व्यवस्थित होत नाही. नातेवाईक परिपूर्ण व्यवस्था करीत असले तरी काही वेळा स्मशानभूमीमध्ये अपूर्ण व्यवस्था असल्याने अंत्यसंस्कार व्यवस्थित पार पडत नाही; परंतु आता अकोल्यात तरी कोणालाही मरणानंतर हाल भोगावे लागणार नाही. कारण रोटरी क्लब ऑफ अकोला ईस्ट या सामाजिक संस्थेने स्मशानभूमीत शवदाहकवेदिका निर्माण करण्याचे काम हाती घेतले आहे. या प्रकल्पाच्या संकल्पपूर्तीचा पहिला टप्पा पार पडला असून, जुने शहरातील गुलजारपुरा हिंदू स्मशानभूमीमध्ये चार शवदाहकवेदिकाचे लोकार्पण मंगळवार १० जून रोजी करण्यात आले.अकोला ईस्टचे अध्यक्ष ॲड़ श्रीकांत सुरेका व सचिव रमण राठी यांच्या संकल्पनेतून हा प्रकल्प तयार झाला. त्याला क्लबच्या पदाधिकार्‍यांसोबतच शहरातील दानशूर व्यक्तींनी सहकार्य केले. अंदाजे सव्वा लाख रुपये खर्चून गुलजारपुरा स्मशानभूमीतील चार शवदाहकवेदिकेचे निर्माण व रंगरंगोटी करण्यात आली. तसेच परिसर स्वच्छ करण्यात आला. येथे देखेरेख करण्यासाठी क्लबतर्फेच दोन बेरोजगार तरुणांची नियुक्ती करून त्यांना मानधन देण्यात येत आहे. या प्रकल्पाला विशेष आर्थिक सहकार्य लाभले ते ॲड़ देवेंद्र अग्रवाल यांचे. त्यांचे वडील स्व. रामगोपाल छगनलाल अग्रवाल यांच्या स्मृतिप्रीत्यर्थ त्यांनी एक लाख रुपयांची देणगी क्लबला दिली.
** आग प्रतिरोधक फरशा व पाईपचारही शवदाहकवेदिकेवर आग प्रतिरोधक फरशा (टाइल्स्) व लोखंडी पाईप लावण्यात आले आहेत. यामुळे आगीच्या ज्वाळा वार्‍याच्या दिशेने सैरभैर न होता एकाच गतीमध्ये व ओट्यापुरत्या सीमित राहणार आहे. त्यामुळे ओट्याजवळ असलेल्या अंत्यसंस्कार करणार्‍यांच्या अंगावर ज्वाळा येणार नाहीत. आगेची धग जाणवणार नाही.
** उमरी स्मशानभूमीतील कामाला सुरुवातउमरी स्मशानभूमीतही क्लबच्या वतीने दोन शवदाहकवेदिका निर्माण करण्याचे कार्य हाती घेतले असून, बुधवार ११ जूनपासून कामाला सुरुवात करण्यात आली आहे.
** महानगरपालिकेचे सहकार्यअकोला महानगरपालिकेने रोटरी क्लब ऑफ अकोला ईस्टच्या प्रकल्पाचे कौतुक करून जेव्हा हा उपक्रम राबविण्यासाठी क्लबच्या पदाधिकार्‍यांनी परवानगी काढली तेव्हा मनपाने कोणतीही आडकाठी न आणता सहज प्रकल्पाला मंजुरी दिली.