अकोला : जिल्ह्यात कोरोनाचा रुग्णवाढीचे सत्र सुरुच असून, सोमवार, १ फेब्रुवारी रोजी आरटीपीसीआर चाचण्यांमध्ये आणखी ९ जण पॉझिटिव्ह आढळून आल्याने एकूण रुग्णसंख्या ११,६३३ वर पोहोचली आहे.
शासकीय वैद्यकीय महाविद्यालयाच्या व्हीआरडीएल लॅबकडून सोमवारी आरटीपीसीआर चाचण्यांचे ११५ अहवाल प्राप्त झाले. यापैकी ९ जणांचे अहवाल पॉझिटिव्ह असून उर्वरित १०६ अहवाल निगेटिव्ह आहेत. सकाळी पॉझिटिव्ह अहवाल आलेल्यांमध्ये कौलखेड येथील तीन, दुर्गा चौक, आदर्श कॉलनी, न्यु तापडीया नगर, जीएमसी, अकोट व सिंधी कॅम्प येथील प्रत्येकी एक रुग्णांचा समावेश आहे.
७३३ ॲक्टिव्ह पॉझिटिव्ह
जिल्ह्यात आतापर्यंत एकूण ११,६३३ जणांना कोरोनाची लागण झाली असून त्यापैकी तब्बल १०,५६४ रुग्णांनी कोरोनावर मात केल्याने त्यांना डिस्चार्ज देण्यात आला आहे. आतापर्यंत ३३६ जणांचा मृत्यू झाला असून, सद्य:स्थितीत ७३३ ॲक्टिव्ह रुग्ण आहेत.आता सद्यस्थिती