अकाेला : काेराेना संसर्ग पाहता ३० जानेवारीपर्यंत जिल्ह्यात सुरू असलेले बार, वाईन शाॅपच्या वेळा निर्धारित करण्यात आल्या आहेत. परंतु लाेकमतने १८ जानेवारी राेजी रात्रीच्या दरम्यान पाहणी केली असता या वेळेचे बंधन पाळले जात नसल्याचे दिसून आले.
काेराेना संसर्गाच्या पार्श्वभूमीवर काही नियम, अटी व मार्गदर्शक सूचनांचे पालन करून वाईन शाॅप, बिअर शाॅप सकाळी १० ते रात्री १० वाजेपर्यंत, तर परमिट रूम सकाळी ११.३० ते रात्री १० वाजेपर्यंत वेळ निर्धारित करण्यात आली आहे. तसेच देशी दारूची दुकाने सकाळी ८ वाजता उघडून रात्री १० वाजेपर्यंत बंद करण्याची वेळ आहे. परंतु लाेकमत चमुने १८ जानेवारी राेजी रात्री शहरातील व शहराबाहेरील काही वाईन बारची पाहणी केली असता काहींनी वेळेवर, तर काहींनी बाहेरून दरवाजा बंद करून आतून दुकाने सुरू ठेवल्याचे दिसून आले. यामध्ये शहरातील बाभुळगाव राेडवरील वाइन बार, गायगाव राेडवरील बार, खडकी परिसर, आकाेट फैल, शहराच्या मध्यवर्ती असलेल्या बारचा समावेश आहे. दरवाजा बंद असल्यानंतरही चाैकीदाराला सांगून दरवाजा उघडून ग्राहकांना आत घेण्याची व्यवस्था काही ठिकाणी दिसून आली.
(प्रतिनिधी)
जिल्हाधिकाऱ्यांचे आदेश काय?
अबकारी अनुज्ञप्त्यांना ५० टक्के क्षमतेनुसार निर्धारित वेळेनुसार काेविड १९ संदर्भात वेळाेवेळी जाहीर केलेल्या अटी, शर्ती व मार्गदर्शक तत्त्वांच्या अधीन राहून बार, वाईन शाॅप सुरू ठेवण्यास परवानगी देण्यात आली आहे.
एफएल ३ (परमिट रूम) सकाळी ११.३० ते रात्री १०, वाईन शाॅप, बिअर शाॅप सकाळी १० ते रात्री १०, देशी दारू सकाळी ८ ते रात्री १० वाजपर्यंत वेळ निर्धारि केली आहे.
वाईन बार बिअर बारची संख्या १४४
काेट
शहरात किंवा शहराबाहेर कुठेही वेळेनंतर वाईन शाॅप, वाईन बार, बिअर बार सुरू असल्यास त्यांच्यावर कारवाई करण्यात येत आहे. यासाठी एक पथकच कार्यरत आहे. तसेच कुणालाही माहिती मिळाल्यास त्यांनी उत्पादन शुल्क विभागाला माहिती द्यावी. यावरून कारवाई करण्यात येईल.
स्नेहा सराफ
अधीक्षीका राज्य उत्पादन शुल्क विभाग, अकाेला
शहरात
शहरातील वाईन बार तसेच बिअर बार वेळेत बंद हाेत असले तरी काहीजण मात्र वाईन शाॅपच्या समाेर उभे राहून विक्री करीत असल्याचे दिसून आले, तर आतमध्ये असलेल्या काही वाईन शाॅपमध्ये खुलेआम विक्री सुरु हाेती. बिअर बार आणि वाईन बार आतून सुरू बाहेरून बंद असल्याचे वास्तव आहे.
शहराबाहेर
शहराबाहेर दारू विक्री व त्यांना बसण्याची व्यवस्था खुलेआम असल्याचे लाेकमतने केलेल्या पाहणीत दिसून आले. काेणाचेही निर्बंध त्यांच्यावर नसल्याचेच शहराबाहेरील वाईन बार, बिअर बार व वाईन शाॅपमधील स्थितीवरून स्पष्ट झाले. यावरून पाेलीस व उत्पादन शुल्क विभागाने शहराबाहेरील बार व शाॅप संचालकांना सूटच दिल्याचे चित्र आहे.