एकीकडे नागरिक कोविड-१९ च्या वाढत्या प्रादुर्भावामुळे हैराण झाले आहेत तर दुसरीकडे एका नवीन लिंकने नागरिकांची अक्षरशः झोप उडविली आहे. ऑफिशियली व्हॉट्सॲप लॉच-पिंक व्हॉट्सॲप विथ एक्सट्रा न्यू फिचर्स मस्ट ट्राय धीस असा हा मेसेज असून खाली निळ्या रंगाची एक लिंक दिलेली आहे. या लिंकला क्लिक करून डाऊनलोड केले असता, काहीच ओपन होत नसून उलट आपल्या मोबाईलमधील जेवढे ग्रुप असतील त्या ग्रुपमध्ये पुन्हा त्याच लिंकसह मेसेज फिरत आहे. यामुळे मोबाईलधारक त्रस्त झाले आहेत. याबाबत संबंधित यंत्रणेने चौकशी करून हा प्रकार थांबवावा, अशी मागणी नागरिकांनी केली आहे.
मला ग्रुपवर हा मेसेज दिसला होता. मी सहज सदर लिंक डाऊनलोड करून बघितली असता त्यात काहीच दिसले नाही. उलट माझ्या मोबाईलमधून आपोआप सदर मेसेज पाठविल्या गेला. त्यामुळे मला या मेसेजबाबत संशय असून काही गैरप्रकार होऊ नये, म्हणून प्रशासनाने याबाबत चौकशी करावी.
-आशिष बोबडे, मोबाईलधारक