अल्पवयीन मुलीवर २ वर्षांपासून अत्याचार

राजस्थानातील दोघांसह ६ जणांविरुध्द गुन्हा दाखल.

संग्रामपूर (जि. बुलडाणा) : १५ वर्षीय अल्पवयीन मुलीची दिशाभूल करुन तिला राजस्थानमध्ये नेवून तिच्यावर २ वर्षापासून लैगिंक अत्याचार करण्यात आल्याची घटना उघडकीस आली. याप्रकरणी पीडित मुलीने ८ जुल ै रोजी रात्री तामगाव पोलिस स्टेशनला दिलेल्या फिर्यादीवरुन पोलिसांनी ६ जणांविरुध्द गुन्हा दाखल केला आहे. येथील एका १५ वर्षीय कुमारिकेचीतालुक्यातील टाकळी येथील बळीराम वानखडे, मूर्तिजापूर येथील पूजा संतोष तिवारी व आणखी एका अनोळखी महिलेने दिशाभूल केली व तिला जानेवारी २0१३ मध्ये सालासर (राजस्थान) येथे घेवून गेले. सालासर येथे तिला ताराचंद दाबदेव ढाका व मनोज बलदेव ढाका या दोघांच्या ताब्यात दिले होते. त्यानंतर ताराचंद दाबदेव ढाका व मनोज बलदेव ढाका या दोघांनी त्या कुमारिकेवर जानेवारी २0१३ पासून वेळोवेळी अत्याचार केला. या अत्याचाराला कंटाळून ६ जुलै रोजी वझेगाव येथील तुळशीराम वाघ याच्या घरी आली. तुळशीराम वाघ याने सुध्दा या पीडित कुमारिकेवर रात्री १२ वाजताच्या सुमारास काझीखेड जानोरी दरम्यान शेत शिवारात अत्याचार केला. मारहाण करुन कुठे वाच्यता केल्यास जिवे मारण्याची धमकी वाघने दिली. यानंतर पीडित अल्पवयीन कुमारिकेने ८ जुलै रोजी रात्री तामगाव पोलिस स्टेशन गाठून फिर्याद दिली. या फिर्यादीवरुन तामगाव पोलिसांनी बळीराम वानखडे रा.टाकळी, पूजा संतोष तिवारी रा.मूर्तिजापूर, ताराचंद बबदेव ढाका, मनोज बबदेव ढाका रा.सालासर राजस्थान, तुळशिराम वाघ रा.वझेगाव व एका अनोळखी महिलेवर कलम ३६८, ३२३, ५0६ भादंवि सहकलम ३ (ए)/४, ५ (एल)(एस) १६ बालकांचे लैंगिक अत्याचारापासून संरक्षण अधिनियम २0१२ सहकलम ३ (१) (१२) अनु.जा.अ.जा. अत्याचार प्रतिबंधक अधिनियम १९८९ नुसार गुन्हा दाखल केला आहे.