खेट्री, चतारी परिसरातील शेतरस्त्यांची दुरवस्था
खेट्री : परिसरातील शेतरस्त्यांची दुरवस्था झाली असून, शेतकऱ्यांना विविध समस्यांचा सामना करावा लागत आहे. रोजगार हमी योजनेंतर्गत या रस्त्याचे बांधकाम करण्यात आले, परंतु अर्धवट बांधकाम केल्यामुळे शेतकऱ्यांना त्रास सहन करावा लागत आहे. त्यामुळे शेतरस्त्याची दुरुस्ती करण्याची मागणी होत आहे.
ग्रामीण भागातील बसफेऱ्या सुरू करा
आलेगाव : एसटी महामंडळाने ग्रामीण भागातील विद्यार्थ्यांकरिता एसटीच्या बसफेऱ्या सुरू करण्याची मागणी पातूर तालुक्यातील विद्यार्थी, पालकांनी केली आहे. पाचवी ते बारावीपर्यंतचे वर्ग सुरू झाले आहेत. विद्यार्थ्यांना खासगी गाडीने प्रवास करावा लागत आहे. त्यामुळे विद्यार्थ्यांना आर्थिक भुर्दंड सहन करावा लागत आहे.
शिरपूर येथील वीजपुरवठा वारंवार खंडित
खेट्री : नजीकच्या शिरपूर येथील विद्युत पुरवठा गेल्या काही दिवसांपासून वारंवार खंडित होत आहे. त्यामुळे ग्रामस्थ तथा परिसरातील ग्रामस्थ त्रस्त झाले आहेत. वारंवार विद्युत पुरवठा खंडित होत असल्यामुळे नागरिक त्रस्त झाले आहेत. याकडे महावितरण विभागाने लक्ष देण्याची मागणी होत आहे.