शहरात अत्यावश्यक सेवेसह सर्वच दुकाने उघडी होती. काही व्यावसायिकांनी आपल्या दुकानाचे अर्ध शेटर्स उघडे ठेवून व्यवहार केला तर काहींची पूर्ण दुकाने उघडी दिसून आली. या संदर्भात दुकानदारांना विचारणा केली असता, आम्हाला कुठलाही आदेश प्राप्त झाला नसल्याने आम्ही दुकाने उघडली असल्याचे त्यांनी सांगितले. यात रेडिमेड गारमेंट, चप्पल दुकान, कपड्यांची दुकाने, मोबाईल दुकाने यासह बहुतेक दुकाने, बार रेस्टॉरंट उघडी दिसून आली. त्याचबरोबर स्टेशन विभाग भरवणारा मंगळवार आठवडी बाजारही भरल्याने तिथे नागरिकांनी भाजीपाला खरेदी करण्यासाठी प्रचंड गर्दी केल्याने लॉकडाऊन आहे की नाही हे सामान्य नागरिकांना समजणे कठीण होते. परिणामी शहरात लॉकडाऊनचा कुठलाही परिणाम न होता या कालावधीत नागरिकांची गर्दी दिसून आली. लॉकडाऊन पाळण्यासाठी यात खऱ्या अर्थाने प्रशासकीय यंत्रणा खुजी ठरल्याची चर्चा शहरात होती.
फोटो:
महामार्गावरील बार सुरू
३० एप्रिलपर्यंत अत्यावश्यक सेवा वगळता कुठलेही दुकान सुरू राहणार नाही. असे निर्देशित केले असताना राष्ट्रीय महामार्गावर असलेले हॉटेल आणि बार तळीरामांनी तुडुंब भरलेले आढळून आले. मंगळवार बाजाराचा दिवस असल्याने यात शासकीय कर्मचाऱ्यांचा भरणा अधिक दिसून आला.