अकोला: गत आठवडाभरात दमदार पाऊस बरसल्याने, अमरावती विभागातील धरणांच्या जलसाठय़ात वाढ झाली आहे. रविवारी सायंकाळपर्यंंत अकोला जिल्ह्यातील काटेपूर्णा धरण २४.९१ टक्के, बुलडाणा जिल्ह्यातील नळगंगा २३.७३ टक्के आणि यवतमाळ जिल्ह्यातील पूस धरणात ३६.९0 टक्के जलसाठा उपलब्ध झाला. गतवर्षीच्या पावसाळ्यात अत्यल्प पाऊस झाल्याने, पश्‍चिम विदर्भातील धरणांमध्ये पुरेसा जलसाठा उपलब्ध झाला नाही. तसेच यावर्षीचा पावसाळा सुरू झाल्यानंतर दीड महिना पावसाने दांडी मारली. त्यामुळे अमरावती विभागातील पाचही जिल्ह्यात अत्यल्प जलसाठा उपलब्ध असतानाच, गत मंगळवार व बुधवारी विभागातील पाचही जिल्ह्यात संततधार पाऊस झाला. दमदार पाऊस बरसल्याने, धरणांमधील जलसाठय़ात वाढ झाली. त्यामध्ये रविवारी सायंकाळी ५.३0 वाजेपर्यंंत अकोला शहराला पाणीपुरवठा करणार्‍या महान येथील काटेपूर्णा धरणात २४.९१ टक्के, बुलडाणा जिल्ह्यातील नळगंगा धरणात २३.७३ टक्के आणि यवतमाळ जिल्ह्यातील पूस धरणात ३६.९0 टक्के जलसाठा उपलब्ध झाला. धरणांच्या जलग्रहण क्षेत्रात दमदार पाऊस झाल्यास धरणाच्या जलसाठय़ात आणखी वाढ होण्याची शक्यता आहे.
रविवारी सायंकाळपर्यंंत धरणांमधील उपलब्ध जलसाठा !
जिल्हा प्रकल्प टक्केवारी
अकोला काटेपूर्णा २४.९१
मोर्णा ३३.८७
निगरुणा ४१.२३
उमा २८.२६
वान ८१.७२
बुलडाणा नळगंगा २३.७३
ज्ञानगंगा ४१.५३
मस ३९.0२
कोराडी 0४.४९
पलढग ५१.६६
यवतमाळ पूस ३६.९0
लोअरपूस ५६.७0
सायखेडा ९३.१५
गोटी ६९.८0
वाघाळी ७८.९७
बोरगाव ७४.२८
*जलग्रहण क्षेत्रात दमदार पावसाची प्रतीक्षा!
मंगळवार व बुधवारी झालेल्या जोरदार पावसामुळे पश्‍चिम विदर्भात धरणांमधील जलसाठय़ात काही प्रमाणात वाढ झाली असली तरी, पुरेसा जलसाठा उपलब्ध होण्यासाठी धरणांच्या जलग्रहण क्षेत्रात दमदार पाऊस बरसण्याची प्रतीक्षा आहे.