खेट्री : गेल्या २४ तासांपासून खेट्री परिसरात मुसळधार पाऊस सुरू असल्याने खेट्री येथे अनेक घरांची पडझड झाली आहे.
खेट्री येथून वाहणाऱ्या मन नदी व नाल्यांना पूर आला होता. मुसळधार पावसामुळे खेट्री येथील फिरोज खा शफी खा, शेख शारिक शेख कलाम, अफरोज खा शफी खा, तसेच अनेक ग्रामस्थांच्या दगड-मातीच्या भिंतीमध्ये पाणी शिरल्याने पडझड झाली आहे. या वर्षी नदीला पहिल्यांदा पूर आल्याने गावातील ग्रामस्थांनी पूर पाहण्यासाठी पुलावर तुंबळ गर्दी केली होती. २४ तासांपासून मुसळधार पाऊस सुरू असल्याने नदी-नाले तुडुंब वाहत आहेत. खेट्रीच्या मन नदीला पूर आल्याने गावातील ग्रामस्थ पूर पाहण्यासाठी पुलावर जमले होते. मुसळधार पावसामुळे घरांची पडझड झाल्याने सर्वेक्षण करून आर्थिक मदत देण्याची मागणी होत आहे.