सहयोगी अधिष्ठाता प्रा.डाॅ. अनिल भिकाने यांच्या अध्यक्षतेखाली झालेल्या कार्यक्रमास प्रमुख पाहुणे म्हणून नंदकुमार राऊत, प्रा. डाॅ. चैतन्य पावशे, प्रा. डाॅ. मिलिंद थोरात व सहायक कुलसचिव मारोती गांवडे उपस्थित होते.
डॉ. किशोर पजई, डाॅ. महेश इंगवले, डाॅ. मंगेश वडे, डाॅ. कुलदीप देशपांडे, डाॅ. श्याम देशमुख यांना उत्कृष्ट अधिकारी तसेच शिक्षकेतर कर्मचाऱ्यांत डॉ. आनंद रत्नपारखी, रामेश्वर लोथे, अशोक कुळवंत, संदीप वैलकर, मिलिंद देशमुख, भास्कर नागे, सूर्यकांत राखोंडे, प्रभाबाई खोब्रागडे व मनोज निनोरिया यांना उत्कृष्ट कर्मचारी म्हणून प्रशस्तिपत्र देऊन गौरविण्यात आले.
याप्रसंगी प्रा. डाॅ. शैलेंद्र कुरळकर, डाॅ. रणजित इंगोले, डॉ. प्राजक्ता कुरळकर व डाॅ. गिरीश पंचभाई यांनी आंतरराष्ट्रीय पातळीवर उच्च मानांकन प्राप्त संशोधन मासिकात संशोधन लेख प्रसिद्ध केल्याबद्दल आणि प्रा. डाॅ. सतीश मनवर यांना राष्ट्रीय पशुपोषण संघटनेचे फेलो म्हणून निवड झाल्याप्रीत्यर्थ गौरविण्यात आले. तर प्रा. डाॅ. सुनील वाघमारे, डाॅ. हजारे, डाॅ. हनुमंत कानडखेडकर, डाॅ. गिरीश पंचभाई, डाॅ. इंगवले, डाॅ. प्रवीण बनकर यांना समन्वयक म्हणून आयोजित प्रशिक्षणाबाबत प्रमाणपत्र देण्यात आले.