अकोट तालुक्यातील पणजसह बोचरा, गौरखेड, वाघोडा, शहापूर परिसरात ढगाळ वातावरण आणि पहाटेच्या सुमारास पडणाऱ्या धुक्यामुळे रब्बी हंगामातील हरभरा, कांदा, गहू, केळीचे पीक धोक्यात सापडले आहे. या पिकांवर मोठ्या प्रमाणात रोगाचा प्रादुर्भाव दिसत असून, उत्पादनात घट होण्याची शक्यता शेतकऱ्यांनी वर्तविली आहे.
सध्या हरभरा व तुरीच्या पिकाला फुलोरा असून, ढगाळ वातावरणामुळे फुलोऱ्याला गळती लागली आहे. दरम्यान, अळींच्या बंदोबस्तासाठी शेतकरी महागड्या कीटकनाशकांची फवारणी करीत असल्याने शेतकऱ्यांना नाहक आर्थिक भूर्दंड सहन करावा लागत आहे. ढगाळ वातावरणामुळे पीक संकटात असल्याने कृषी विभागाने शेतकऱ्यांच्या बांधावर जाऊन मार्गदर्शन करण्याची मागणी शेतकऱ्यांकडून होत आहे.
------------
ढगाळ वातावरणामुळे हरभरा, तूर, भाजीपाला पीक संकटात सापडले असून, शेतकरी चिंतित आहेत. त्यामुळे कृषी विभागाने मार्गदर्शन करावे.
-अनिल रोकडे, शेतकरी, पणज.