गॅस एजन्सी बंद; संतप्त ग्राहकांचा रोष

अकोल्यातील प्रकार; १८ हजारांवर ग्राहक सद्गुरू एजन्सीकडे वर्ग.

अकोला : इंडियन ऑईल कंपनीने सोमवार १६ फेब्रुवारी रोजी जुन्या कॉटन मार्केटमधील इंडेन गॅस सिलिंडर वितरक ह्यप्रगती एन्टरप्राईजेसह्णचा परवाना रद्द केला. तीनदा कारवाईचा बडगा उगारून देखील ग्राहकांकडून सदर एजन्सीविरूद्ध तक्रारींचा ओघ सुरूच असल्याने सोमवारी अकोल्यात दाखल झालेल्या इंडियन ऑईल कंपनीच्या चमूने प्रगतीचे संचालक अमर राठोड यांचा इंडेन घरगुती गॅस सिलिंडर वितरकाचा परवाना रद्द केला. परिणामी सोमवारी वितरकाकडे पैसे आणि रिकामे सिलिंडर जमा रसिद प्राप्त करणार्‍या ग्राहकांना मंगळवारी सकाळी बंद असलेले ह्यप्रगतीह्णचे दार पाहून धक्का बसला. संतप्त आणि सैरभैर झालेल्या ह्यप्रगतीह्णच्या ग्राहकांनी सीटी कोतवाली गाठले व रोष व्यक्त केला. इंडियन ऑईल कार्पोरेशन कंपनीला गत काळात जुन्या कॉटन मार्केटमधील ह्यप्रगती एन्टरप्राईजेसह्ण या इंडेन घरगुती गॅस सिलिंडर वितरकाविरूद्ध शेकडो तक्रारी प्राप्त झाल्या. ऑनलाईन आणि इतर माध्यमातून ग्राहकांनी केलेल्या तक्रारिंची दखल घेत कंपनीने यापूर्वी तीनदा ह्यप्रगतीह्णच्या वितरकाविरूद्ध कारवाई केली. वितरकास तीनवेळा समज देऊन देखील ग्राहकांकडून तक्रारींचा ओघ सुरूच असल्याने सर्व बाबिंची शाहनिशा करीत, सोमवार १६ फेब्रुवारी रोजी इंडियन ऑईल कंपनीचे नागपूर येथील विभागीय विक्री अधिकारी हरिष भारवानी, निपाणे व इतर अधिकार्‍यांची चमू अकोल्यात दाखल झाली. जिल्हा पुरवठा आधिकारी आणि जिल्हा पोलीस अधिक्षकांची भेट घेऊन चमूने दुपारी ३.३0 वाजता वितरकाचा परवाना रद्द करण्याची कारवाई केली. आदल्याच दिवशी वितरकाकडे पैसे आणि रिकामे सिलिंडर जमा करून पावती मिळविणार्‍या ग्राहकांनी मंगळवारी सकाळी प्रगतीचे दार ठोठावले. मात्र, प्रगतीचे दर कायमचे बंद झाल्याचे समजताच संतप्त आणि सैरभैर झालेल्या ग्राहकांनी सीटीकोतवाली ठाण्यात गाठले आणि पोलीस निरिक्षक अनिरूद्ध अढाव यांच्याकडे तक्रार केली.