जुने शहरातील जुगार, दारू अड्ड्यांवर छापे

जुने शहर पोलीस ठाण्याच्या हद्दीतील वाशिम बायपास परिसरात अवैध दारू विक्री करणाऱ्या विनोद हिम्मतराव सरदार यास ताब्यात घेऊन त्याच्याकडून दारूचा साठा जप्त करण्यात आला. त्यानंतर खैर मोहम्मद प्लॉट येथे सुरू असलेल्या जुगार अड्ड्यावर छापा टाकून संजू विठ्ठलराव घुगे, राहणार अंबिका चौक, शिवसेना वसाहत, मोहम्मद शकील मोहम्मद शफीक, शेख हुसेन ऊर्फ लखन शेख इब्राहिम राहणार चांद खाँ प्लॉट या तिघांना जुगार अड्ड्यावरून अटक करून त्यांच्याकडून मुद्देमाल जप्त करण्यात आला. त्यानंतर डाबकी रोड पोलीस ठाण्याच्या हद्दीत अवैधरीत्या दारूची विक्री करणाऱ्या पुनीत सुखराम क्षीरसागर यास ताब्यात घेऊन त्याच्याकडून दारूचा साठा जप्त करण्यात आला आहे. या तीन ठिकाणांवरून पाच आरोपींना अटक करून त्यांच्याकडून मुद्देमाल जप्त केला आहे. या जुगाराविरुद्ध गुन्हे दाखल करण्यात आले आहेत.