विशेष पथकाकडून दाेन आराेपी ताब्यात, चार तलवारी जप्त

जुने शहर पाेलीस ठाण्याच्या हद्दीतील चांदखा प्लाॅट येथील रहिवासी ऐराज खान, इद्रीस खान (वय २०) हा युवक हातात तलवार घेऊन दहशत पसरवीत असल्याची माहिती पाेलीस अधीक्षक जी. श्रीधर यांच्या विशेष पथकाचे प्रमुख विलास पाटील यांना मिळाली. यावरून त्यांनी पथकासह दाखल हाेत त्याची झडती घेतली असता त्याच्या तीन धारदार शस्त्र तलवार जप्त करण्यात आली आहे. त्यानंतर गंगानगर परिसरात माेहम्मद इकरार माेहम्मद अन्सार यास ताब्यात घेऊन त्याच्याकडून धारदार शस्त्र जप्त करण्यात आले आहे़ या आरोपींविरुद्ध भारतीय हत्यार कायदा कलम ४, २५ आणि कलम १३५ महाराष्ट्र पोलीस कायद्यान्वये गुन्हा दाखल करण्यात आला आहे़ ही कारवाई पाेलीस अधीक्षक जी़ श्रीधर, अपर पाेलीस अधीक्षक माेनिका राऊत यांच्या मार्गदर्शनाखाली विशेष पथकाचे प्रमुख विलास पाटील व त्यांच्या पथकाने केली़