बेलखेड ग्रामपंचायतीवर शिवसेना पुरस्कृत परिवर्तन विकास पॅनलचा झेंडा

बेलखेड ग्रामपंचायतीच्या निवडणुकीत ग्रामविकास पॅनल व शिवसेना पुरस्कृत परिवर्तन विकास पॅनल या दोन पॅनलमध्ये लढत झाली. यामध्ये परिवर्तन विकास पॅनलचे नऊ उमेदवार विजयी झाले होते, तर ग्रामविकास पॅनलला सहा जागा मिळाल्या. सरपंच निवडणुकीत शिवसेनेचे जिल्हा परिषद सदस्य संजय अढाऊ व पॅनल प्रमुख नंदकिशोर निमकर्डे यांनी गनिमी कावा आखत ग्रामपंचायतीवर झेंडा रोवला. या निवडणुकीत परिवर्तन विकास पॅनलचे सरपंच पदाकरिता रत्नमाला वरठे यांनी, तर उपसरपंच पदासाठी नंदकिशोर निमकर्डे यांनी उमेदवारी अर्ज भरला असता दोघांनाही आठ मते मिळाली. विरोधात असलेल्या ग्रामविकास पॅनलच्या सरपंच पदाकरिता नर्मदा गोरे, तर उपसरपंच पदाकरिता प्रफुल्ल खिरोडकार यांना सात मते मिळाली. तालुक्यातील राजकारणी नेत्यांचे याकडे लक्ष लागले होते, यात राजकीय पक्षात शिवसेनेने बाजी मारली असल्याची शिवसेनेचे कार्यकर्त्यांमध्ये चर्चा आहे. (तीन पासपोर्ट) (वा.प्र.) ८ बाय १०