लोकमत न्यूज नेटवर्कअकोट : स्थानिक पोपटखेड मार्गावर प्रवासी वाहनाला टिप्परने दिलेल्या धडकेत पाच जण जखमी झाल्याची घटना २ जुलै रोजी दुपारी ३ वाजता घडली. पोलीस सूत्रानुसार, फिर्यादी विजय सुरेश कुरकुरे रा. अंबिका नगर अकोला हे आपल्या मित्रांसोबत एमएच ३० एबी ११६५ क्रमांकाच्या प्रवासी वाहनाने खटकाली-पोपटखेड येथे पार्टी करण्याकरिता जात होते. स्थानिक कृषी उत्पन्न बाजार समितीसमोर रस्त्यावर वराह आल्याने प्रवासी वाहन रोडच्या बाजूला घेतले. यावेळी समोरून येणाऱ्या एमएच ३० एबी १२७ क्रमांकाच्या टिप्पर चालकाने भरधाव वेगाने व निष्काळजीपणे वाहन चालवून मॅक्झिमोला धडक दिली. या अपघातात विजय कुरकुरे, अरुण यादव, सागर गीते, रूपेश सरोदे, नितीन हे पाच जण जखमी झाले. याप्रकरणी अकोट शहर पोलीस स्टेशनला टिप्पर चालकाविरुद्ध भादंविच्या २७९, ३३७, ३३८ व एमव्ही अॅक्ट १८४ अन्वये गुन्हा दाखल करण्यात आला आहे.
टिप्परची धडक पाच जखमी
By admin | Updated: July 3, 2017 02:00 IST