अतुल जयस्वाल/ अकोलामहावितरणच्या अकोला परिमंडळांतर्गत येत असलेल्या अकोला, वाशिम व बुलडाणा या तीन जिल्ह्यांमध्ये गत आर्थिक वर्षात विविध ठिकाणी ३ कोटी ४४ लाख २0 हजारांची वीज चोरी उघड झाली आहे. महावितरणने केलेल्या कारवाईत १0९९ जण विजेचा अनधिकृत वापर व वीज चोरी करण्यासाठी दोषी आढळून आले आहेत. वीज चोरी करणार्यांकडून १ कोटी ३८ लाख रुपयांची वसूली करण्यात महावितरणला यश आले आहे.मुंबई वगळता संपूर्ण महाराष्ट्रात महावितरणकडून घरगुती, व्यावसायिक व कृषीकरिता वीज पुरवठा दिला जातो. यासाठी महावितरणकडून रीतसर वीज देयक दिले जाते. वीज वापरापोटी ग्राहकांनी विद्युत देयक भरणे अपेक्षित असते; परंतु काही ग्राहक वीज देयक कमी यावे, यासाठी मीटरमध्ये तांत्रिक बदल करणे किंवा थेट विद्युत खांबावरून वीज पुरवठा घेणे आदी प्रकारातून वीज चोरी करतात. तसेच काही ग्राहक विजेचा अनधिकृत वापर करतात. अशा ग्राहकांना चाप लावण्यासाठी महावितरणच्या भरारी पथकांकडून कारवाई करण्यात येते. गत वर्षभरात भरारी पथकांकडून अकोला, बुलडाणा व वाशिम या तीन जिल्हय़ांमध्ये छापे टाकून १0९९ जणांविरुद्ध कारवाई करण्यात आली. भारतीय वीज कायद्याच्या कलम १२६ अंतर्गत (विजेचा अनधिकृत वापर) तीन जिल्हय़ांत ९१ लाख २९ हजार रुपयांची वीज चोरी झाल्याचे उघड झाले आहे. यासाठी दोषी आढळून आलेल्या १७३ जणांविरुद्ध कारवाई करण्यात आली, तर कलम १३५ व १३८ अंतर्गत २ कोटी ५२ लाख ९१ हजार रुपयांची वीज चोरी उघड करण्यात महावितरणच्या भरारी पथकास यश आले आहे. एकूण ३ कोटी ४४ लाख २0 हजारांची वीज चोरी उघड झाली आहे. वीज चोरट्यांवर कारवाई करताना महावितरणने त्यांच्याकडून १ कोटी ३८ लाख रुपयांची वसुली केली आहे. ८७ जणांविरुद्ध गुन्हे दाखलवीज चोरी करणार्यांना जरब बसावी, यासाठी महावितरणच्या भरारी पथकांकडून वर्षभर कारवाया करण्यात येतात. वीज चोरी करणार्यांकडून दंड व त्यांनी चुकविलेली रक्कम वसूल करण्यात येते. रक्कम व दंड न भरणार्यांविरुद्ध गुन्हे दाखल केले जातात. गत वर्षभरात तीन जिल्हय़ांत ८७ जणांविरुद्ध गुन्हे दाखल करण्यात आले आहेत.जिल्हानिहाय उघड झालेली वीज चोरीजिल्हा वीज चोरी (रुपयांमध्ये)अकोला २ कोटी ५५ लाखबुलडाणा ४४ लाख १९ हजारवाशिम ११ लाख १८ हजार-------------------------------------एकूण ३ कोटी ४४ लाख २0 हजार
तीन जिल्ह्यात साडेतीन कोटींची वीज चोरी उघड
By admin | Updated: July 25, 2016 01:30 IST