गरबा-दांडिया शिबिराचा उत्साहात समारोप

‘लोकमत’ सखी मंचचा उपक्रम

अकोला - लोकमत सखी मंचचा गरबा दांडिया शिबिर मागील ९ दिवसांपासून स्थानिक रघुवंशी मंगल कार्यालय येथे सुरू होता. या शिबिरात सखी मंच, युवा नेक्स्ट व बाल विकास मंचच्या सदस्यांसोबतच इतर लोक पण सहभागी झाले होते. २१ सप्टेंबर रोजी उत्साहपूर्ण वातावरणात या शिबिराचा समारोप करणयात आला. सर्व सहभागी सदस्यांनी शेवटच्या दिवशी मनसोक्त आनंद घेतला. पारंपरिक गरबा नृत्यांची वेशभूषा घालून शेवटच्या दिवशी झालेल्या स्पर्धेमध्ये सर्वांनी सहभाग नोंदविला व आकर्षक बक्षिसे जिंकली. गरबा शिकण्याचे समाधान, उत्साह त्यांच्या चेहर्‍यावर ओसंडून वाहत होता. या करिता प्रशिक्षिका सिमरन कोरडिया, नम्रता सचदेव व सपना ओसवाल यांनी सहकार्य केले. बक्षीस वितरण समारंभ हिंगोली नांदेड येथील कोरिओग्राफर सागर अग्रवाल व राघव बेदानी, अहमदाबाद यांच्या हस्ते करण्यात आले.