ट्रकची दोरी ओढताना पडून वाहकाचा मृत्यू
बाळापूर : पारसफाटा येथे थांबलेल्या ट्रकची सैल झालेली दोरी चालक व वाहक ओढत असताना वाहकाचा तोल जाऊन तो रस्त्यावर खाली पडला. त्याला मार लागल्याने त्याचा उपचारादरम्यान मृत्यू झाला. बाळापूर पोलिसांनी आकस्मिक मृत्यूची नोंद केली आहे.
पारसफाटा येथे उभ्या ट्रकची दोरी सैल झाल्याने चालक युवराजसिंग जडेजा (रा. जामनगर, गुजरात) व वाहक मृत भरत बिजलाल कडेचासोनी हा सैल दोरी ओढत होते. दोरी ओढत असताना वाहक भरत कडेचासोनी याचा तोल जाऊन तो ट्रकवरून खाली पडला. यामध्ये त्याला जबर मार लागला. जखमी अवस्थेत त्याला रुग्णालयात उपचारासाठी दाखल केले असता उपचारादरम्यान त्याचा मृत्यू झाला.