अकोला: जिल्हयातील रिक्त १६ सरपंच पदांची निवडणूक गुरुवार, ८ एप्रिल रोजी घेण्यात आली. त्यामध्ये सात सरपंचांची अविरोध निवड करण्यात आली असून, सात सरपंच पदांसाठी मतदान घेण्यात आले. उमेदवारी अर्ज प्राप्त झाला नसल्याने एक सरपंचपद रिक्त राहिले असून, कोरमअभावी ग्रामपंचायतची विशेष सभा तहकूब करण्यात आल्याने एक सरपंच पदासाठी शुक्रवारी निवडणूक घेण्यात येणार आहे.
जिल्ह्यातील २२४ ग्रामपंचायतींच्या सार्वत्रिक निवडणुकांचे निकाल जाहीर झाल्यानंतर गत ९ व ११ फेब्रुवारी रोजी सरपंच पदांची निवडणूक घेण्यात आली. त्यामध्ये आरक्षणानुसार अनुसूचित जाती व अनुसूचित जमाती प्रवर्गाचे सदस्य निवडून आले नसल्याने जिल्ह्यातील सहा तालुक्यात १६ सरपंचांची पदे रिक्त राहिली होती. त्यामुळे रिक्त सरपंच पदांसाठी १६ मार्च रोजी नव्याने आरक्षणाची सोडत काढण्यात आली. प्रवर्गनिहाय जाहीर करण्यात आलेल्या आरक्षणानुसार रिक्त १६ सरपंच पदांची निवडणूक ८ एप्रिल रोजी घेण्यात आली. संबंधित ग्रामपंचायतींच्या विशेष सभांमध्ये सरपंचपदांची निवडणूक घेण्यात आली. त्यामध्ये सात सरपंचांची अविरोध निवड करण्यात आली असून, सात सरपंचांची निवड मतदानाव्दारे करण्यात आली. उमेदवारी अर्ज प्राप्त झाला नसल्याने एक सरपंचपद रिक्त राहिले असून, सदस्यांच्या गणपूर्तीअभावी ग्रामपंचायतची विशेष सभा तहकूब करण्यात आल्याने एक सरपंच पदासाठी ९ एप्रिल रोजी निवडणूक घेण्यात येणार आहे.
अविरोध निवड झालेले असे आहेत सात सरपंच!
तालुका ग्रा.पं. सरपंच
तेल्हारा चांगलवाडी कासुबाइ शिवणकार
तेल्हारा सौंदळा नवलकुमार अरबट
तेल्हारा वांगरगाव वैशाली मार्के
अकोट पातोंडा विनोद सोळंके
अकोला खांबोरा माधुरी इंगळे
बार्शिटाकळी लोहगड ताइ धाडसे
पातूर विवरा मंगला देठे
मतदानाव्दारे निवड झालेले असे आहेत सात सरपंच!
तालुका ग्रा.पं. सरपंच
अकोट सावरा स्वाती मोरे
अकोट मक्रमपूर संतोष हिवरे
अकोट मंचनपूर निर्मला चौधरी
बाळापूर अंत्री मलकापूर संदीप वाघोळे
पातूर चरणगांव सुमित्रा वसतकार
पातूर दिग्रस खुर्द शशिकला महल्ले
पातूर आलेगाव गोपाल महल्ल
उमेदवारीे अर्जच नाही;
चोहोट्टा सरपंच पद रिक्त!
सरपंच पदांच्या निवडणूकीत अकोट तालुक्यातील चोहोट्टा ग्रामपंचायत सरपंच पदासाठी उमेदवारी अर्जच प्राप्त झाला नाही. त्यामुळे येथील सरपंच पद रिक्त राहिले आहे.
चतारी येथे कोरमअभावी सभा
तहकूब; आज सरपंचांची निवड!
पातूर तालुक्यातील चतारी ग्रामपंचायत सरपंच पदाच्या निवडणुकीसाठी ग्रामपंचायत विशेष सभेला सदस्यांची गणपूर्ती (कोरम) पूर्ण झाली नसल्याने कोरमअभावी सभा तहकूब करण्यात आली. त्यामुळे येथील सरपंच पदाची निवडणूक होऊ शकली नाही. शुक्रवारी होणाऱ्या ग्रामपंचातच्या विशेष सभेत सरपंचांची निवड होणार आहे.