दिग्रस बु: गत वर्षभरापूर्वी पातूर तालुक्यातील दिग्रस खु.-दिग्रस बु. या रस्त्याचे काम सुरू करण्यात आले होते. सद्यस्थितीत या रस्त्याचे काम संथगतीने सुरू असल्याने ग्रामस्थांना नाहक त्रासाला सामोरे जावे लागत आहे. याकडे लोकप्रतिनिधींनी लक्ष देऊन रस्त्याचे काम त्वरित पूर्ण करण्याची मागणी ग्रामस्थांकडून होत आहे.
दिग्रस खु-दिग्रस बु. या रस्त्याचे काम गेल्या वर्षभरापासून सुरूच आहे. या रस्त्यावर दोन्ही कडेला माती व मुरुम टाकण्यात आला आहे. त्यामुळे या मार्गाने प्रवास करताना वाहनचालकास कसरत करावी लागत आहे. कधी कधी मुरुमावरून गाडी घसरून अपघाताच्या घटना घडत आहेत. ग्रामस्थांसाठी एकच रस्ता असल्याने नेहमीच या रस्त्यावर वर्दळ सुरू राहते. पावसाळा काही महिन्यावर असल्याने गावात घाण होण्याची शक्यता आहे. त्यामुळे लोकप्रतिनिधींनी लक्ष देऊन दिग्रस खु-दिग्रस बु. या रस्त्याचे काम तातडीने पूर्ण करुन घ्यावे, अशी मागणी ग्रामस्थांकडून होत आहे. (फोटो)
-------------------------------------------
गत वर्षभरापासून दिग्रस बु. ते दिग्रस खु. रस्त्याचे काम संथगतीने सुरू असल्याने गावात अपघाताच्या घटनांमध्ये वाढ झाली. त्यामुळे संबंधित विभागाने लक्ष देऊन रस्त्याचे काम त्वरित पूर्ण करावे.
- जीवन उपर्वट, ग्रामस्थ.
--------------------------------------
लोकप्रतिनिधींनी व संबंधित विभागाच्या वरिष्ठ अधिकाऱ्यांच्या दुर्लक्षतेमुळे या रस्त्याचे काम संथ सुरू आहे. नागरिकांची समस्या लक्षात घेता रस्त्याचे काम त्वरित पूर्ण करावे.
- मंगेश इंगळे, ग्रामस्थ.