-
रत्नाकर पाटील यांचे निधन
अकोट : शहरातील श्रीराम मंदिर संस्थान शनिवार मंदिराचे माजी विश्वस्त रत्नाकर श्रीधरराव पाटील (८३) यांचे वृद्धापकाळाने बुधवारी (दि. २६) निधन झाले. त्यांच्यामागे पत्नी, दोन मुली, मुलगा असा बराच मोठा आप्तपरिवार आहे. (फोटो)
-----------------------
दिनोडा, मरोडा येथे वारंवार वीजपुरवठा खंडित
दिनोडा : चोहोट्टा बाजार वीज उपकेंद्रांतर्गत येत असलेल्या दिनोडा, मरोडा परिसरात वीजपुरवठा वारंवार खंडित होत असल्याने नागरिक त्रस्त झाले आहेत. याकडे संबंधित विभागाने लक्ष देऊन वीजपुरवठा सुरळीत करण्याची मागणी होत आहे.
---------------------------
साध्वी चंफामाता यात्रा महोत्सव रद्द
माळेगाव बाजार : येथील ग्रामस्थांचे आराध्यदैवत असलेल्या साध्वी चंफामाता यात्रा महोत्सव गुरुवारी (दि. २७) असून, दरवर्षी मोठ्या उत्साहात साजरा होतो. यंदा कोरोनाच्या वाढत्या प्रादुर्भामुळे सर्व धार्मिक कार्यक्रम रद्द करण्यात आल्याची माहिती आहे.
---------------------------------
हाता-निंबा रोडवर काटेरी कुंपण
हाता : मुख्यमंत्री ग्रामसडक योजनेंतर्गत हाता-निंबा हा पाच किमी रस्ता डांबरी झालेला आहे; परंतु रस्त्याच्या दोन्ही बाजूला भराव न टाकल्यामुळे काटेरी झाडे वाढली आहेत. त्यामुळे अपघाताची शक्यता वाढली आहे.
-----------------------
निंबा फाटा येथे पोलीस चौकीची मागणी
हाता : उरळ पोलीस स्टेशन निंबा फाटा असून, शेगाव-अकोट रस्ता चौपदरीकरण झाल्यामुळे निंबा फाटा येथून अवैध प्रवासी वाहतूक वाढली आहे. त्यामुळे परिसरात पोलीस चौकी उभारण्याची मागणी होत आहे.
-----------------------------