अकोला : मंजूर अर्थसंकल्पाशिवाय आर्थिक व्यवहार पार पाडणार्‍या अधिकार्‍यांना वेसण घालीत सन २0१४-१५ चा नवीन अर्थसंकल्प तयार करण्याचे निर्देश आयुक्त डॉ.महेंद्र कल्याणकर यांनी दिले आहेत.
महापालिकेने सन २0१३-१४ आर्थिक वर्षासाठी २९७ कोटींचा अर्थसंकल्प मंजूर केला. तत्पूर्वी सन २0१२-१३ साठी २१२ कोटींचा अर्थसंकल्प मंजूर करण्यात आला होता. अर्थातच सन २0१३-१४ मधील 'बजेट'च्या रकमेत तब्बल ३५ ते ४0 टक्क्यांनी वाढ करण्यात आली. प्रशासनाला मालमत्ता कर विभागातून वार्षिक २५ कोटी, पाणीपट्टी ५ कोटी, बाजार वसुली, परवाना विभाग व नगर रचनाच्या माध्यमातून मोठय़ा कष्टाने १५ कोटी रुपये कर स्वरूपात प्राप्त होतात. यातही दरवर्षी वसुलीचे उद्दिष्ट ८0 टक्क्यांच्यावर जात नाही, हे विशेष. याऐवजी मनपा कर्मचार्‍यांच्या वेतनावर महिन्याकाठी ३ कोटी ७0 लाख रुपये नुसार वर्षाकाठी ४५ ते ४६ कोटी खर्च होतात. हा खर्च यापूर्वी जकातच्या माध्यमातून निकाली काढण्यात आला होता. उत्पन्न वाढविण्यासाठी कोणतेही प्रयत्न न झाल्याने सन २0१३-१४ च्या ह्यबजेटह्णमधील तरतुदी अवघ्या चार महिन्यांत संपल्या. त्यावर प्रशासनाने टप्याटप्याने पुढील चार महिन्यांसाठी अंतरिम ह्यबजेटह्ण सभागृहात सादर करणे गरजेचे होते; परंतु तसे घडलेच नाही. त्यामुळे महापालिकेची वित्तीय तुट वाढली आहे.