------------------------
बाळापूर येथे बँकांमध्ये गर्दी
बाळापूर : शहरातील एटीएममध्ये ठणठणाट असल्याने बँकेत व्यवहार करण्यासाठी ग्राहकांनी एकच गर्दी केली होती. परिणाम बँकेच्या इतर कामकाजावर पडत आहे. बँक अधिकाऱ्यांच्या अनास्थेमुळे बँकांसमोर कोरोनाच्या नियमांचे उल्लंघन करीत असल्याचे चित्र आहे. शहरातील स्टेट बँक, सेंट्रल बँक, जिल्हा मध्यवर्ती बँकेच्या एटीएममध्ये पैसे नसल्याने नागरिकांची सकाळी ९ ते १ वाजतादरम्यान गर्दी होत आहे. येथे नागरिकांकडून फिजिकल डिस्टन्सिंगचा फज्जा उडाल्याचे दिसून येत आहे. तसेच गर्दीत काही नागरिक विनामास्क असल्याचे दिसून आले. याकडे संबंधित विभागाने लक्ष देण्याची मागणी होत आहे.