कबड्डीचा असाच छंद जोपासा : ठाणेदार गोरे

सर्वप्रथम मान्यवरांनी महात्मा फुले, शिवाजी महाराज व डॉ. बाबासाहेब आंबेडकर यांच्या प्रतिमेचे पूजन केले. त्यानंतर दादाराव तायडे यांनी प्रास्ताविक केले. नंतर जयपूर, राजस्थान येथे राष्ट्रीय कबड्डी स्पर्धेत विदर्भाच्या संघाने प्रथम क्रमांक आल्याने विद्यार्थ्यांचा सत्कार करण्यात आला. यावेळी पत्रकार सी. पी. शेकुवाले, देवानंद गहिले व रमेश निलखन यांचा शाल व श्रीफळ देऊन सत्कार झाला. मनोगतातून अमोल गोरे यांनी विद्यार्थ्यांचे कौतुक केल्यानंतर असोसिएशनचे तथा कार्यक्रमाचे अध्यक्ष बळीराम घुगे यांनी मनोगत व्यक्त केले. सूत्रसंचालन आनंदा डोंगरे तर आभार दादाराव तायडे यांनी मानले. कार्यक्रमाला प्रभुजी इंगळे, सिद्धार्थ संस्थेचे शैलेश इंगळे, पोलीस स्टेशनचे अरविंद पवार, रामेश्वर घंघाळ, देवीदास जंजाळ, रवींद्र अघडते, विजय गवई, रमेश घुगे, भीमराव कांबळे यांच्यासह आस्टुल, पास्टुल येथील नागरिक तथा एस.पी. इंगळे व सिद्धार्थ विद्यालयाचे शिक्षक व कर्मचारी उपस्थित होते.