अकोला : जिल्ह्यात कोरोनाचा कहर सुरुच असून,सोमवार, ५ एप्रिल रोजी आणखी दोघांचा मृत्यू झाल्याने कोरोनाबळींचा आकडा ४७२ झाला आहे. आरटीपीसीआर चाचण्यांमध्ये ११९, तर रॅपिड ॲन्टिजेन चाचण्यांमध्ये ८४ अशा एकूण २०३ पॉझिटिव्ह रुग्णांची नोंद झाल्याने आतापर्यंत कोरोनाबाधित होणाऱ्याची संख्या २९,०३४ वर पोहोचली आहे.
शासकीय वैद्यकीय महाविद्यालयाच्या व्हीआरडीएल लॅबकडून सोमवारी आरटीपीसीआर चाचण्यांचे १,१२७ अहवाल प्राप्त झाले. यांपैकी ११९ जणांचे अहवाल पॉझिटिव्ह असून, उर्वरित १,००८ अहवाल निगेटिव्ह आहेत. सकाळी पॉझिटिव्ह अहवाल आलेल्यांमध्ये पातूर येथील १८, बाळापूर येथील १२, तेल्हारा व डाबकी रोड येथील प्रत्येकी सहा, पतखेड ता.बार्शीटाकळी येथील पाच, जठारपेठ व पारस येथील प्रत्येकी चार, अकोट येथील तीन, टिटवा ता.बार्शीटाकळी, भगीरथ नगर, खडकी, गोरक्षण रोड, मोठी उमरी, जीएमसी, सुधीर कॉलनी, सोपीनाथ व कौलखेड येथील प्रत्येकी दोन, सुकळी ता.बार्शीटाकळी, कान्हेरी सरप ता.बार्शीटाकळी, सहित ता.बार्शीटाकळी, मुर्तिजापूर, जूने शहर, हातरुण ता.बाळापूर, मालेगाव बाजार, रुईखेड, शिवपूर, मुकूंद नगर, ग्रामपंचायत अकोला, खदान, अयोध्या नगर, लोनी, शिवार, शंकर नगर, रामदासपेठ, तापडीया नगर, देशमुख फैल, एमआयडीसी, नायगाव, मंगलवारा, जवाहर नगर, भौरद, चोहट्टा बाजार, संताजी नगर, खोलेश्वर, चांदुर, शिवचरण पेठ, गाडगे नगर, सहकार नगर, कपिला नगर, कुरुम, बार्शीटाकळी, जैन चौक, शांती नगर, अडगाव ता.अकोट, सिंधी कॅम्प, पंचशिल नगर, गाडेगाव ता.पातूर, मलकापूर, केळकर हॉस्पीटल, म्हैसपूर येथील प्रत्येकी एकाचा समावेश आहे.
दोन पुरुषांचा मृत्यू
गोलखेडी ता.मुर्तिजापूर येथील ७१ वर्षीय पुरुष व एळवन ता.बार्शीटाकळी येथील ४९ वर्षीय पुरुष अशा दोघांचा सोमवारी उपचारादरम्यान मृत्यू झाला. दोघांनाही अनुक्रमे २९ मार्च व २ एप्रिल रोजी दाखल करण्यात आले होते.ॲक्टिव्ह रुग्ण
४,५३७ ॲक्टिव्ह रुग्ण
जिल्ह्यात आतापर्यंत एकूण २९,०३४ जणांना कोरोनाची लागण झाली असून, त्यांपैकी तब्बल २४,०२५ रुग्णांनी कोरोनावर मात केल्याने त्यांना डिस्चार्ज देण्यात आला आहे. आतापर्यंत ४७० जणांचा मृत्यू झाला असून, सद्य:स्थितीत ४,५३७ ॲक्टिव्ह रुग्ण आहेत.