नागरिकांनी काेराेना प्रतिबंधक लसीकरण करुन घ्यावे; प्रशासनाचे आवाहन

काेराेना प्रतिबंधक लसीकरण मोहीम राबविण्यासाठी नगर परिषद सभागृहात पर्यवेक्षक शिक्षकांची सभा घेण्यात आली. यावेळी लसीकरण मोहीम बाबत संपूर्ण माहिती वैद्यकीय अधिकारी डॉ. सोनोने तथा नोडल अधिकारी वाडेकर यांनी सर्व उपस्थित शिक्षकांना दिली. मूर्तिजापूर नगर परिषद क्षेत्रात सर्वेक्षण करण्यात येत असून, ११ प्रभागांसाठी ११ पथक तयार करण्यात आली आहेत. सर्व पथक घरोघरी जाऊन सर्व नागरिकांची माहिती घेऊन आरोग्य विभागास सादर करतील व त्यानंतर सर्व नागरिकांचे लसीकरण करण्यात येईल. यावेळी प्रशासन अधिकारी प्रमोद टेकाडे यांनी सर्व पथकांना सर्वेक्षणा बद्दल माहिती दिली. मूर्तिजापूर शहरातील या धडक लसीकरण मोहिमेसाठी सर्वांनी सहकार्य करण्याचे आवाहन मुख्याधिकारी विजय लोहकरे यांनी केले आहे, यावेळी सर्व मुख्याध्यापक व शिक्षक कर्मचारी उपस्थित होते.