अकोला : लखनऊ येथे १० ते १६ नोव्हेंबर या कालावधीत होणार असलेल्या १९ वर्षाखालील चॅलेंजर क्रिकेट स्पर्धेसाठी इंडिया रेड संघात अकोला क्रिकेट क्लब व विदर्भ क्रिकेट संघटनेचा अष्टपैलु खेळाडू नयन चव्हानची निवड झाली आहे. यापूर्वी नयन ने १९ वर्षाखालील राष्ट्रीय क्रिकेट अकादमीच्या शिबिराचे प्रतिनिधीत्व केले आहे. याशिवाय त्याने मध्यविभाग संघ व १९ वर्षाखालील चॅलेंजर ट्रॉफीमध्ये भारतीय ब्लू संघाचे प्रतिनिधीत्व केले आहे. नयन ने १४, १६ व १९ वर्षाखालील विदर्भ संघाचे प्रतिनिधीत्वही केले असून, नुकत्याच पार पडलेल्या १९ वर्षाखालील विनू मंकड क्रिकेट स्पर्धेत नयनने छत्तीसगढ व मध्यप्रदेश संघाविरुद्ध शतक ठोकले होते, अशी माहिती विदर्भ क्रिकेट असोसिएशनचे जिल्हा संयोजक तथा अकोला क्रिकेट क्लबचे कर्णधार भरत डिक्कर यांनी दिली.
चॅलेंजर ट्रॉफी: अकोल्याचा नयन चव्हाण इंडिया रेड संघात
By लोकमत न्यूज नेटवर्क | Updated: November 5, 2018 16:29 IST