भारतीय जनता पक्ष ओबीसी प्रदेश कार्यकारिणी सदस्य सपना राऊत, सामाजिक कार्यकर्ते ॲड. वानखडे अकोट, डॉ. नंदकिशोर राऊत यांनी राष्ट्रवादी काँग्रेस पक्षामध्ये प्रवेश घेतला. यावेळी महाराष्ट्र प्रदेश संघटन सचिव कृष्णा अंधारे उपस्थित होते.
नियमबाह्य स्मशानभूमी हटवा अन्यथा समाज क्रांती आघाडी आंदोलन छेडणार!
अकोला : तालुक्यातील मौजा मजलापूर ग्रामपंचायतअंतर्गत मौजे जलालबाद येथे ग्रामपंचायतने गावकऱ्यांची कोणत्याही प्रकारची मागणी नसताना आणि गावात पूर्वीच्या दोन स्मशानभूमी असताना गावठानमधील लोकांच्या वसाहतीला लागून १०० मीटर अंतरावर स्मशानभूमी तयार केली. स्मशानभूमीमध्ये होणाऱ्या अंत्यसंस्कारामुळे लोकांच्या जीविताला धोका असून जिल्हा परिषद प्रशासनाने तत्काळ स्मशानभूमी हटविण्याचे आदेश ग्रामपंचायतला देण्यात यावेत अन्यथा समाज क्रांती आघाडीतर्फे तीव्र जनआंदोलन छेडले जाईल, असा इशारा आघाडीचे जिल्हा संघटक सुदामभाऊ शेंडे यांच्या नेतृत्वात एका शिष्टमंडळाद्वारे दिला. शिष्टमंडळात प्रामुख्याने समाज क्रांती आघाडीचे जिल्हा सुरक्षा प्रमुख शावकार पहेलवान, शहर संघटक यशपाल चांदेकर, मजलापूर शाखा प्रमुख वामनराव डोंगरे, जिया खान, विकास रामटेके इत्यादींची उपस्थिती होती.