अट्टल चाेरटे गजाआड; दाेन दुचाक्या जप्त

शहरातील खदान पोलीस ठाण्याच्या हद्दीत येत असलेल्या, कौलखेड चौकातील कराळे हॉस्पिटलसमोरुन ५ ऑगस्ट २०२१रोजी एम. एच. ३७-वाय-०७४७ क्रमांक असलेली काळ्या रंगाची दुचाकी चोरीला गेली होती. यावरुन दुचाकी मालक गोपाल गावंडे,रा.सूर्या हाईट्स, खडकी यांनी खदान पोलीस ठाण्यात तक्रार दिली़ यावरुन अज्ञात आरोपीविरोधात चोरीचा गुन्हा दाखल करण्यात आला होता. खदान पोलिसांनी तपासाची चक्रे गतिमान करून, खबऱ्यामार्फत तसेच सीसीटीव्ही कॅमेरे फुटेज तपासून,बाळापूर तालुक्यातील तामशी येथील शुभम इंगळे आणि प्रशांत इंगळे या दोघांना चौकशीसाठी ताब्यात घेतले.त्यांची कसून चौकशी केली असता, कौलखेड चौकातील कराळे हॉस्पिटलसमोरून चोरलेल्या दुचाकीसह आणखी एक दुचाकी चोरी केल्याची कबुली दिली. त्यांच्याकडून एम.एच.३७-वाय-०७४७ आणि एम.एच.३०बीई-१९४९ क्रमांकाच्या दोन दुचाकी जप्त करण्यात आल्या असून दाेन्ही आराेपींना अटक करण्यात आली आहे. या चोरट्यांचा जिल्ह्यातील आणखी काही चोरी प्रकरणात सहभाग आहे का, याचा तपास खदान पोलीस करीत आहेत. ही कारवाई खदान पोलीस ठाण्याचे ठाणेदार श्रीरंग सनस यांच्या मार्गदर्शनाखाली पोलीस उपनिरीक्षक पाटील,सदाशिव मार्गे,राजेश वानखडे,सुरेंद्र दाभाडे, विजय चव्हाण, धीरज वानखडे, खुशाल नेमाडे,गणेश डुकरे, विक्रांत अंभोरे यांनी केली.