हॉकी स्पर्धेत अकोला पोलिसांचा ६-१ ने दमदार विजय

संत गजानन महाराज चषक हॉकी स्पर्धेत अक्षय निंबाळकरचे ३ गोल.

अकोला : संत गजानन महाराज चषक हॉकी स्पर्धेतील दुसर्‍या दिवशीचे सर्व सामने रोमहर्षक झाले. शुक्रवारी सकाळच्या सत्रात पोलीस मुख्यालयाच्या हॉकी मैदानावर अकोला पोलीस व हिंगणघाट संघात सामना खेळला गेला. या सामन्यात अकोला पोलीस संघाने हिंगणघाटचा ६-१ ने पराभव केला. अकोला पोलीस संघाचा अक्षय निंबाळकर याने ३ गोल नोंदविले. चंदन ठाकूर याने ३ आणि सुब्रमण्यम पिल्ले याने १ गोल केला. तत्पूर्वी, भंडारा जिल्हा व इंडिपेन्डन्स क्लब (अमरावती) संघात सामना झाला. या सामन्यात अमरावती संघ ४-२ ने विजय झाला. सकाळच्या सत्रातील तिसरा सामना वर्धा जिल्हा व इंडिपेन्डन्स क्लब (अमरावती) यांच्यात झाला. सामना १-१ असा बरोबरीत सुटला. टायब्रेकरमध्ये वर्धा संघाने ५- ४ असा विजय मिळविला.