अकोला : बुधवारी पहिल्या टप्प्यामध्ये पोलिस अधीक्षक वीरेंद्र मिश्र यांनी २0४ पोलिस कर्मचार्यांच्या बदल्या केल्या आहेत. बदल्या झालेल्यांमध्ये २९ सहायक पोलिस उपनिरीक्षक आणि १९ महिला पोलिस कर्मचार्यांचा समावेश आहे. गेल्या काही दिवसांपासून पोलिस कर्मचार्यांना बदल्यांविषयी उत्सुकता होती. पोलिस कर्मचार्यांच्या बदल्या झाल्यामुळे कुठे खुशीचे तर कुठे गमचे वातावरण दिसून आले. गत आठवडाभरापासून बदल्यांसाठी पोलिस कर्मचार्यांच्या नावांची यादी तयार करणे सुरू होते. त्यासाठी पोलिस अधीक्षकांनी पोलिस कर्मचार्यांचे अर्जसुद्धा मागवले होते. काही कर्मचार्यांनी बदलीसाठी विनंती अर्ज केले होते. त्यानुसार पोलिस अधीक्षकांनी बदल्यांचे नियोजन केले. बुधवारी पोलिस अधीक्षकांनी पहिल्या टप्प्यामध्ये २0४ पोलिस कर्मचार्यांच्या बदल्यांची यादी जाहीर केली. यादी पाहण्यासाठी सायंकाळी ५ वाजतापासूनच पोलिस अधीक्षक कार्यालयात शहरातील पोलिस कर्मचार्यांनी गर्दी केली होती. प्रत्येकाला आपली वर्णी कोणत्या पोलिस ठाण्यात लागते, याचीच उत्सुकता होती. यादी जाहीर होताच, आपली बदली कोठे झाली, हे पोलिस कर्मचार्यांनी माहिती करून घेतले. दूर तालुक्याच्या ठिकाणी, ग्रामीण विभागात बदली झालेल्या कर्मचार्यांच्या चेहर्यावर उदासीनता जाणवत होती तर शहरामध्ये किंवा अपेक्षित पोलिस ठाण्यात, मुख्यालयात बदली झालेल्या पोलिस कर्मचार्यांच्या चेहर्यावर आनंद ओसंडून वाहत होता. झालं बुवा एकदाचं! आता सहा वर्ष सुरळीत काढायचे, असाच एकंदरित सूर पोलिस कर्मचार्यांच्या तोंडून निघत होता.
** अनेकांनी घातले श्रींचरणी साकडेबदल्यांचे वारे सुरू होताच, पोलिस कर्मचार्यांनी शहरापासून जवळ किंवा शहरातच बदलीचे ठिकाण मिळावे. यासाठी शेगावीच्या संत गजानन महाराजांच्या चरणी साकडे घातले होते. बुधवारी बदल्यांची यादी जाहीर होणार असल्याने अनेक पोलिस कर्मचार्यांनी सकाळी शेगाव गाठून संत गजानन महाराजांकडे प्रार्थना केली. काही कर्मचार्यांची प्रार्थना फळास आली तर काहींच्या हाती निराशा आली.
** बदल्या झालेल्यांमध्ये २९ एएसआय, १९ महिला पोलिस बुधवारी जाहीर झालेल्या यादीनुसार जिल्ह्यासह शहरातील २९ सहायक पोलिस उपनिरीक्षक, १९ महिला पोलिस कर्मचारी, सहायक पोलिस उपनिरीक्षक, ७१ हेड कॉन्स्टेबल, ५७ पोलिस नाईक आणि २८ पोलिस कॉन्स्टेबल, अशा एकूण २0४ पोलिस कर्मचार्यांच्या बदल्या करण्यात आल्या.
** दुसरी यादी आज जाहीर होणारपहिल्या टप्प्याच्या बदल्यांची यादी जाहीर झाल्यानंतर आता दुसर्या टप्प्यातील बदल्यांची यादी गुरुवारी जाहीर होण्याची शक्यता आहे. यामध्ये विनंती अर्ज आणि इतरांचा समावेश राहील.