तरुणाला मारहाण करून पैसे लुटले
अहमदनगर : नगर तालुक्यातील सोनेवाडी शिवारात मागील भांडणाच्या कारणावरून तिघांनी तरुणाला मारहाण करीत त्याच्याकडील ४० हजार रुपये लुटले. २८ फेब्रुवारी रोजी ही घटना घडली. याप्रकरणी नगर तालुका पोलीस ठाण्यात मनोज बाळासाहेब धोतरे याने दिलेल्या फिर्यादीवरून अजय म्हस्के याच्यासह इतर दोघांविरोधात गुन्हा दाखल करण्यात आला आहे. याप्रकरणी पोलीस उपनिरीक्षक राऊत पुढील तपास करीत आहेत.
घरफोडी करून पैसे, दागिने चोरले
अहमदनगर : राहाता तालुक्यातील ब्राह्मणे हनुमंतगाव येथे चोरट्यांनी घरफाेडी करून रोख रक्कम व सोन्याचे दागिने असा एकूण १ लाख ६४ हजार रुपयांचा ऐवज चोरून नेला. २८ फेब्रुवारी रोजी ही घटना घडली. याप्रकरणी बाबासाहेब रघुनाथ ब्राह्मणे यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी पोलीस उपनिरीक्षक सूर्यवंशी पुढील तपास करीत आहेत.
तेरा तोळ्याचे दागिने चोरले
अहमदनगर : शहरातील वाघमळा येथे चोरट्यांनी घरफोडी करून तेरा तोळे सोन्याचे दागिने चोरून नेले. २५ जानेवारी ते २७ फेब्रुवारीदरम्यान ही घटना घडली. याप्रकरणी तोफखाना पोलीस ठाण्यात पूनम दीपक घाडगे यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी उपनिरीक्षक सोळुंके पुढील तपास करीत आहेत.
कंपनीतून दोन लाखांची वायर चोरली
अहमदनगर : एमआयडीसी येथील डेल्को कंपनीतून चोरट्यांनी २ लाख ६ हजार ३२५ रुपयांची तांब्याची बायडिंग वायर चोरून नेली. २८ फेब्रुवारी रोजी ही घटना घडली. याप्रकरणी एमआयडीसी पोलीस ठाण्यात दत्तात्रय प्रभाकर देशमुख यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी पोलीस उपनिरीक्षक कणसे पुढील तपास करीत आहेत.
मोटारसायकल चोरली
अहमदनगर : नगर तालुक्यातील खंडाळा येथून चोरट्याने मोटारसायकल चोरून नेली. २७ फेब्रुवारी रोजी ही घटना घडली. याप्रकरणी नगर तालुका पोलीस ठाण्यात अमर दिलीप कांडेकर यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी सहायक फौजदार पठाण पुढील तपास करीत आहेत.