विसापूर परिसरात वादळाने मोठे नुकसान : परिसरातील गावे अंधारात

श्रीगोंदे तालुक्यातील विसापूर परिसरात मंगळवारी सायंकाळी झालेल्या वादळी वा-याने शेतीसह महावितरणचे मोठ्या प्रमाणात नुकसान झाले.

विसापूर : श्रीगोंदे तालुक्यातील विसापूर परिसरात मंगळवारी सायंकाळी झालेल्या वादळी वा-याने शेतीसह महावितरणचे मोठ्या प्रमाणात नुकसान झाले.मंगळवारी झालेल्या वादळी वा-यामुळे मोठे नुकसान झाले. ऊसासह अन्य पिके जमीनदोस्त झाली. अनेक झाडे भुईसपाट ढाली. महावितरणच्या विसापूर उपकेंद्राचे हद्दीतील सर्व लाईन पोल पडले. त्यामुळे विसापूरसह निंबवी, कोरेगव्हाण, साराळा सोमवंशी चांभुर्डी, सुरेगाव, उख्खलगाव, घुटेवाडी, मुंगुसगाव व पिंपळगाव पिसाचा काही भाग चोवीस तास अंधारात होता. महावितरणच्या कर्मचा-यांनी बुधवारी दिवसभर प्रयत्न करुन रात्री उशिरा काही भागाचा विजपुरवठा सुरळीत केला. काही गावांमध्ये तर अजिबात पाऊस झाला नाही,मात्र नुकसान झाले.