बिबट्याने केलेल्या हल्ल्यात दुचाकीस्वार जखमी

संगमनेर : तालुक्यातील धांदरफळ बुद्रुक येथील शेतकरी सुभाष नाना देशमुख हे दुचाकीवरून जात असताना त्यांच्यावर बिबट्याने हल्ला केला. यात देशमुख जखमी झाले.धांदरफळ बुद्रुक येथे ही घटना शनिवारी (दि.२२) दुपारी बारा वाजण्याच्या सुमारास घडली. बिबट्याने केलेल्या हल्ल्यात देशमुख यांच्या मांडीला जखम झाल्याने त्यांना उपचारासाठी घुलेवाडी ग्रामीण रूग्णालयात नेण्यात आले. संगमनेर तालुक्यात गेल्या महिनाभरापासून अनेक ठिकाणी शेळ्या, वासरे फस्त केल्या आहेत. अनेक ठिकाणी अनेकांना बिबट्याने दर्शन दिले आहे. संगमनेर तालुक्यात सध्या ऊसतोड सुरू असल्याने बिबट्या इतरत्र स्थलांतर करीत आहेत.