अजय वाळूंज ( वय २२, रा.टाकळी कडेवळीत, ता.श्रीगोंदा) व पवन योगेश खरात (वय १२, रा. काष्टी खरातवाडी, ता.श्रीगोंदा) अशी अपघातात ठार झालेल्यांची नावे आहेत.
८ जानेवारी रोजी रात्री १० वाजण्याच्या सुमारास अजय वाळूंज व पवन खरात हे दोघे श्रीगोंदा येथून कपडे खरेदी करुन काष्टी कडे येत होते. अज्ञात वाहनाने काष्टी येथील हॉटेल शिवनेरीजवळ त्यांच्या बुलेटला धडक दिली. यात दोघे ठार झाले. अपघातानंतर धडक देणारे फरार झाले.
घटनेनंतर वैभव पाचपुते, बंडू जगताप, जयवंत बोत्रे, सुरज राहिंज, प्रशांत भोर, अल्ताफ शेख, अनिल कानडे यांच्यासह तरुण मदतीला धावले. पण यामध्ये पवन खरात जागेवर मयत झाला होता. तर अजय वाळूंज हा गंभीर जखमी झाल्याने त्याला उपचारासाठी दौंड येथे घेऊन जात असताना रस्त्यातच निधन झाले. मयताच्या अंगातील शर्टमध्ये श्रीगोंदा येथे कपडे खरेदी केल्याची पावती होती. त्यावर नाव असल्याने मयताच्या कुटुंबाशी संपर्क करण्यात आला. दोन्ही मयत तरुण व्यक्ती हे आई, वडील यांना एकुलते एक होते.