कोपरगाव : शहरातील निवारा मित्रमंडळ ट्रस्ट संचलित श्रेष्ठ नागरिक मित्र मंडळाच्या वतीने निवारा, सुभद्रानगर, कोजागिरी कॉलनी, ओमनगर, द्वारकानगरी, जानकीविश्व, रिद्धीसिद्धी नगर, आढाव वस्ती, शंकरनगर परिसरातील ज्येष्ठ-श्रेष्ठ नागरिक व महिलांसाठी तीळगूळ व हळदी- कुंकू समारंभ नुकताच निवारा परिसरातील महादेव मंदिरासमोरील प्रांगणात उत्साहवर्धक वातावरणात पार पडला.
याप्रसंगी श्रेष्ठ नागरिक मित्र मंडळाच्या वतीने कोरोना काळात वाढदिवस होऊन गेलेल्या ज्येष्ठ-श्रेष्ठ नागरिकांचा सत्कार समता पतसंस्थेचे अध्यक्ष काका कोयटे, नगरसेविका दीपाताई गिरमे, श्रेष्ठ नागरिक मित्रमंडळाच्या मार्गदर्शिका सुहासिनी कोयटे, अध्यक्षा पुष्पलता सुतार यांच्यासह मित्रमंडळाचे इतर पदाधिकारी यांच्या हस्ते करण्यात आला. हळदी - कुंकवासाठी उपस्थित असलेल्या ज्येष्ठ-श्रेष्ठ महिलांना वाण म्हणून समता महिला बचत गटाने तयार केलेल्या अगरबत्तीचा पुडा व तीळगूळ देण्यात आला.