अहमदनगर : सारसनगर येथे गाडगे महाराज मंदिरात संत गाडगे महाराजांच्या ६४ व्या पुण्यतिथीनिमित्त आयोजित कार्यक्रमात महाराष्ट्र राज्य परिट-धोबी महासंघाच्या नगर दक्षिणच्या जिल्हाध्यक्षपदी शिवाजीराव तळेकर यांच्यासह पदाधिकाऱ्यांच्या निवडी करण्यात आल्या. आमदार संग्राम जगताप यांच्या हस्ते नुतन पदाधिकाऱ्यांना नियुक्तीपत्र देऊन सत्कार करण्यात आला.
कार्यक्रमाच्या प्रारंभी गाडगे महाराज यांच्या पुतळ्याला पुष्पहार अर्पण करण्यात आला. प्रास्ताविक महासंघाचे राज्य प्रदेश सचिव सुधाकर पवार यांनी केले. अध्यक्षस्थानी उत्तर महाराष्ट्र विभागीय युवा अध्यक्ष संतोष वाघ हे होते. आमदार संग्राम जगताप यांनी समाजबांधवांना मार्गदर्शन केले. तसेच परीट समाजाच्या रखडलेल्या आरक्षण प्रश्नासंदर्भात समाजासोबत असल्याचे आश्वासन दिले. यावेळी बारा बलुतेदार महासंघाचे प्रदेश उपाध्यक्ष माऊली गायकवाड, नायब तहसीलदार राजेंद्र राऊत, जिल्हा कार्याध्यक्ष अंबादास सोनवणे, जिल्हा सचिव संजय वाघमारे यांनी मनोगते व्यक्त केले.
कार्यक्रमात अहमदनगर ग्रामीण तालुकाध्यक्षपदी ज्ञानेश्वर दळवी, शहराध्यक्षपदी विलास गवळी, जामखेड शहराध्यक्षपदी प्रसाद राऊत, राहता तालुकाध्यक्षपदी देविदास दाभाडे यांच्या निवडी करण्यात आल्या. कार्यक्रमासाठी मनोज शिरसाठे व मंदिर समितीचे सहकार्य लाभले. सूत्रसंचालन परीट महासंघाचे जिल्हा अध्यक्ष विठ्ठल रंधे केले. गाडगे बाबांच्या गोपाला गोपाला- देवकीनंदन गोपाला या भजनाने कार्यक्रमाची सांगता झाली.
२५ संग्राम जगताप
परीट महासंघाच्या कार्यक्रमात बोलताना आमदार संग्राम जगताप