बोधेगाव (अहमदनगर) : विवाहितेने दोन गतिमंद मुलांसह विहिरीत आत्महत्या केल्याची घटना मंगळवारी सकाळी शेवगाव तालुक्यातील पिंगेवाडी येथे उघडकीस आली. मंदा महादेव बडे (३२), दीपक (८) व कृष्णा (३) अशी मृतांची नावे आहेत. महादेव दौलत बडे कुटुंबासह पिंगेवाडी शिवारात राहातात. हे कुटुंब अल्पभूधारक असून पती, पत्नी शेतात राबून चरितार्थ चालवित होते. पत्नी मंदा दोन मुलांसह गायब झाल्याने त्यांनी रात्रभर नातेवाईकांसह शोध घेतला. शेवटी मंगळवारी सकाळी बडे यांच्या शेतातील विहिरीत या तिघांचे मृतदेह पाण्यावर तरंगतांना आढळून आले. महादेव बडे यांची ही दोन्ही मुले मतिमंद होती. त्यांच्यावर पुणे येथे उपचारही करण्यात आले. सुधारणा न झाल्याने ही मुले अंथरूणाला खिळून होती. (वार्ताहर)हिंगोलीतही आत्महत्याऔंढा नागनाथ (जि. हिंगोली) तालुक्यातील वगरवाडी येथील विवाहित युवकाने दारूच्या नशेत गळफास घेऊन आत्महत्या केल्याची घटना सोमवारी मध्यरात्री घडली. संदीप सोनुने असे त्याचे नाव असून तो रोजंदारीने कामावर होता. आत्महत्येमागील कारण समजू शकले नाही. त्यांच्या पश्चात पत्नी, एक मुलगा असा परिवार आहे.
नगरमध्ये दोन गतिमंद मुलांसह मातेची विहिरीत आत्महत्या
By admin | Updated: May 3, 2017 03:39 IST