जि. प. सदस्य संदेश कार्ले यांच्या पुढाकारातून नगर तालुक्यातील खंडाळा येथे समाजकल्याण व महिला बाल कल्याण विभागांतर्गत शालेय विद्यार्थिनींना सायकलींचे वाटपही करण्यात आले. कार्यक्रमास जि. प. सदस्य संदेश कार्ले, राजेश परजणे, सरपंच मोहन सुपेकर, उपसरपंच दीपाली लोटके, सुनिता लोटके, सुजाता कार्ले, ग्रामसेविका लता सागावकर, ज्योती लोटके, बाबा दरेकर, विकी बनसोडे, रोहित बनसोडे, सिमोन पाचारणे आदी उपस्थित होते.
संदेश कार्ले म्हणाले की, लोककल्याणकारी योजनांची प्रभावी अंमलबजावणी करणे हे लोकप्रतिनिधी म्हणून आमचे कर्तव्य आहे. जास्तीत जास्त विकासनिधी खेचून आणत गावागावात मूलभूत समस्यांची सोडवणूक करण्यावर आपला भर असतो. यासाठी जिल्हा परिषदेच्या पदाधिकाऱ्यांचे मोठे सहकार्य लाभत असल्याचे त्यांनी सांगितले.
--------
फोटो - १७सायकल वाटप
जिल्हा परिषदेच्या समाजकल्याण विभागातर्फे नगर तालुक्यातील खंडाळा येथे विद्यार्थिनींना सायकलींचे वाटप करण्यात आले.