कोपरगाव : येथील संजीवनी ग्रुप ऑफ इन्स्टिट्यूटस्‌चे विश्वस्त व संजीवनी फाउंडेशनचे सचिव सुमित कोल्हे व मित्र परिवाराच्या वतीने २५ डिसेंबरपासून राज्यस्तरीय सहकार महर्षी शंकरराव कोल्हे चषक अंतर्गत खुल्या टेनिसबाॅल क्रिकेट स्पर्धांचे आयोजन करण्यात आले आहे.
या स्पर्धांसाठी इच्छुक संघांनी दि.२३ डिसेंबरपर्यंत प्रवेश शुल्क भरून नोंदणी करणे गरजेचे आहे. ही स्पर्धा २५ डिसेंबरपासून खिर्डी गणेश येथील संजीवनी सैनिकी स्कूल व तालुका क्रीडा संकुल मैदान येथे घेण्यात येणार आहेत. कोरोनाच्या पार्श्वभूमीवर सर्व नियम पाळणे बंधनकारक असणार आहे. प्रत्येक सामना हा ६ षटकांचा असणार आहे. प्रथम विजेत्या संघास ३१ हजार, द्वितीय संघास २१ हजार व तृतीय संघास ११ हजाराचे रोख पारितोषिक देण्यात येणार आहे. राज्यातील संघांनी नावनोंदणीसाठी कृष्णा मालकर, प्रदीप चांदर, पप्पू देवकर, प्रमोद कवडे व दिनेश गाडेकर यांच्याशी संपर्क साधावा, असे आवाहन आयोजकांच्या वतीने करण्यात आले आहे.