............
सोन्याचे दागिने चोरले
अहमदनगर : नेवासा तालुक्यातील चांदा येथे चोरट्यांनी घरफोडी करून ५८ हजार रुपयांचे सोन्याचे दागिने चोरून नेले. ७ ते ८ एप्रिल दरम्यान ही घटना घडली. याप्रकरणी नीलेश दिलीप पंडित यांनी सोनई पोलीस ठाण्यात दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी हेड कॉन्स्टेबल गावडे हे पुढील तपास करत आहेत.
..............
घरफोडी करून चोरी
अहमदनगर : सोनई परिसरातील गणेशवाडी येथे चोरट्यांनी घरफोडी करून रोख रक्कम व सोन्याचे दागिने असा एकूण ६८ हजार रुपयांचा ऐवज चोरून नेला. ८ एप्रिल रोजी ही घटना घडली. याप्रकरणी सोनई पोलीस ठाण्यात सीताराम भागाजी बोंगाणे यांनी दिलेल्या फिर्यादीवरून चोरट्याविरुद्ध गुन्हा दाखल करण्यात आला आहे. याप्रकरणी पोलीस नाईक थोरात हे पुढील तपास करत आहेत.
............
दारू विक्री करणाऱ्या दोघांना अटक
अहमदनगर : नगर-जामखेड रोडवरील सारोळाबद्दी शिवारात अवैधरीत्या दारू विक्री करणाऱ्या दोघांना नगर तालुका पोलिसांनी अटक केली. ८ एप्रिल रोजी रात्री ९ वाजता ही कारवाई करण्यात आली. यावेळी आरोपींकडून २६ हजार ३२० रुपये किमतीची देशी-विदेशी दारू जप्त करण्यात आली आहे. ऋषिकेश लक्ष्मण बोरुडे व वसीम अक्रम शहीदुल शेख, असे अटक केलेल्या दोघांची नावे आहेत. याप्रकरणी कॉन्स्टेबल संदीप जाधव यांनी दिलेल्या फिर्यादीवरून नगर तालुका पोलीस ठाण्यात गुन्हा दाखल करण्यात आला आहे.