केंद्र सरकारच्या युवा व खेल मंत्रालयातील राष्ट्रीय सेवा योजनेद्वारे प्रजासत्ताक दिनानिमित्त होणाऱ्या संचलनात विद्यार्थी सहभागी होणार आहेत. २० ते २९ नोव्हेंबर या कालावधीत पश्चिम क्षेत्र राष्ट्रीय सेवा योजना पूर्व प्रजासत्ताक पथसंचलन शिबिर, हैदराबाद येथे पार पडले. यात महाराष्ट्रातून २८ मुले आणि २८ मुली यांपैकी उत्कृष्ट संचलन आणि सांस्कृतिक कार्यक्रम सादरीकरणातून महाराष्ट्रातील १४ विद्यार्थ्यांची दिल्ली येथील संचलनाकरिता निवड झाली आहे. यात सायली चाहणकर हिचा देखील समावेश आहे. तिला पुणे विद्यापीठाचे कुलगुरू डॉ. नितीन करमाळकर, महाराष्ट्र आणि गोव्याचे क्षेत्रीय संचालक कार्तिकेयन, राज्य संपर्क अधिकारी अतुल साळुंखे, पुणे विद्यापीठाच्या राष्ट्रीय सेवा योजनेचे संचालक डॉ. प्रभाकर देसाई, संघनायक प्रा. शालिनी घुमरे यांचे मार्गदर्शन लाभले.
तिच्या या यशाबद्दल प्रवरा ग्रामीण शिक्षण संस्थेचे अध्यक्ष माजी मंत्री आमदार राधाकृष्ण विखे , जिल्हा परिषदेच्या माजी अध्यक्षा शालिनी विखे, संस्थेच्या प्रमुख कार्यकारी अधिकारी सुष्मिता विखे, महाविद्यालयाचे प्राचार्य डॉ.एस.आर. कुचेकर, प्रा. डॉ. अनुश्री खैरे, राष्ट्रीय सेवा योजना कार्यक्रम अधिकारी प्रा. रूपाली नवले, प्रा. राज्यश्री तांबे आदींनी कौतुक केले.
-------
फोटो नेम : २४ सायली चहाणकर