यावेळी पोखरणा म्हणाले, मागील दोन-तीन महिने नगरकरांनी कोरोना महामारीचे महाभयंकर रूप अनुभवले. लॉकडाऊनमुळे बाजारपेठ नाइलाजास्तव बंद ठेवावी लागली. या कसोटीच्या काळात आमदार जगताप यांनी सर्वसामान्यांपासून व्यापारी, व्यावसायिकांना दिलासा देण्याचे काम केले. रुग्ण व त्यांच्या नातेवाइकांना धीर देताना अडचणीत सापडलेल्यांना भक्कम आधार दिला. शहरातील अर्थकारणाला चालना देण्यासाठी व्यापारी, व्यावसायिकांचेही प्रश्न प्राधान्याने सोडवले.
आमदार जगताप म्हणाले, महामारीचे संकट ओळखून व्यापारीवर्गानेही शासन, प्रशासनाच्या निर्णयांना सकारात्मक प्रतिसाद दिला. त्याचबरोबर नगरच्या सामाजिक संघटना, व्यापारीबंधूंनी कोरोनाकाळात स्वेच्छेने अनेक उपक्रम राबवून अडचणीत सापडलेल्यांना मदत केली. अशा एकजुटीमुळेच आता नगरची कोरोनामुक्तीकडे वाटचाल होत आहे. पोखरणा परिवार सुवर्णव्यवसायात सोन्यासारखी सेवा देतानाच सामाजिक बांधीलकीही जपत आहे. (वा.प्र.)
--
फोटो- १६पोखरणा न्यूज
ए.एच. पोखरणा ज्वेलर्स यांच्या वतीने वाढदिवसानिमित्त आमदार संग्राम जगताप यांचा सत्कार करताना अमित पोखरणा. समवेत अनिल पोखरणा, संजय चोपडा, प्रा. माणिक विधाते यांच्यासह पोखरणा परिवार.