तीसगाव : सोमठाणे नलवडे (ता. पाथर्डी) ग्रामपंचायतीच्या सरपंचपदी साखरबाई बाबासाहेब नलवडे यांची, तर उपसरपंचपदी आकाश दौंडे यांची बिनविरोध निवड झाली.
निवडणूक निर्णय अधिकारी ओम दहिफळे यांच्या अध्यक्षतेखाली नूतन सदस्यांची बैठक ग्रामपंचायत कार्यालयात झाली. उत्तमराव नलवडे, अर्चना संतोष दौंडे, छायाबाई हारकू सोनवणे आदी ग्रामपंचायत सदस्य उपस्थित होते. दोन्ही पदांसाठी एकमेव अर्ज आले. बिनविरोध निवड झाली. मावळते सरपंच रामदास काकडे, उपसरपंच अमोल नलवडे यांनी नूतन पदाधिकाऱ्यांचा सन्मान केला. गावाला सोमनाथांचे धार्मिक अधिष्ठान लाभले आहे. त्यामुळे या पौराणिक महतीच्या देवस्थानचा लौकिक वाढण्यासाठी जोड रस्ते, प्राथमिक शाळांच्या सोयी-सुविधा, पिण्याच्या पाण्यासाठी शाश्वत योजना राबवू. देवस्थान केंद्रबिंदू मानून चौफेर विकास करू, अशी ग्वाही सरपंच नलवडे यांनी दिली.
फोटो : १३ साखरबाई नलवडे, १३ आकाश दौंडे