रस्त्यावरील भगदाडाच्या दुरुस्तीला सुरुवात !

लोकमतच्या वृत्ताची दखल : कोपरगाव शहरातील नदीकाठचा रस्ता

लोकमत न्यूज नेटवर्क

कोपरगाव : शहरात प्रवेश करण्यासाठी असलेल्या कोपरगाव नगरपरिषद हद्दीतील गोदावरी नदीकाठी असलेल्या मोहिनीराज नगर परिसरातील रस्त्याला मोठे भगदाड पडले होते. या संदर्भात ‘लोकमत’ने सोमवारी (दि.२३) बातमी प्रकाशित केली होती. त्याची दखल घेत कोपरगाव नगर परिषद प्रशासनाने तत्काळ भगदाड दुरुस्तीचे काम हाती घेतले. त्यामुळे नागरिकांमधून समाधान व्यक्त होत आहे.

कोपरगाव शहरात प्रवेश करण्यासाठी शहराच्या पूर्वेला असलेल्या गोदावरी नदीच्या पुलावरून यावे लागते. हा रस्ता मोहिनीराज नगर परिसराच्या नदीकाठाजवळून येतो. हा रस्ता एकदमच नदीकाठी असल्याने गोदावरी नदीच्या थडीला लांब भिंत बांधलेली असून सद्यस्थितीत पाऊस जोरात सुरू आहे. मोहिनीराज नगर परिसरातून येणारे पावसाचे पाणी या ठिकाणाहून नदीपात्रात वाहत जाते. हे भगदाड मोठे होऊन नदीच्या बाजूची भिंत कोसळून रस्त्याचा सर्व भराव वाहून जाण्याची शक्यता वर्तविली जात होती.

.......

फोटोओळी -

रस्त्यावरील भगदाडाच्या दुरुस्तीला सोमवारी सुरुवात झाली होती.

...

230821\img_20210823_111100.jpg

फोटो२३ - रस्ता भगदाड दुरुस्ती - कोपरगाव