अहमदनगर : यशस्विनी महिला ब्रिग्रेडच्या अध्यक्षा रेखा जरे हत्याकांडातील मुख्यआरोपी बाळ जगन्नाथ बोठे हा तब्बल ८२ दिवसांपासून वेषांतर करून हैदराबादमध्ये लपला होता. हैदराबादमधील बिलालनगर भागात बोठे लपल्यानंतर कळाले अन पोलिसांनी तात्काळ हैदराबाद गाठले. त्यानंतर पोलिसांनी पाच दिवस शोधमोहिम राबवून बोठेच्या मुसक्या आवळल्याचे जिल्हा पोलीस अधीक्षक मनोज पाटील यांनी पत्रकार परिषदेत सांगितले.
मुख्य सूत्रधार बोठे एका हॉटेलमध्ये लपला होता. बोठे ज्या हॉटेलमध्ये लपला हहोता, त्या खोलीस बाहेरून कुलुप होते. हैदराबादमध्ये उस्मानिया विद्यापीठातील अँड. जनार्दन चंद्राप्पा याने बोठेस आश्रय दिला होता. तर अहमदनगर येथून महेश वसंतराव तनपुरे हा बोठेच्या संपर्कात होता. तांत्रिक तपासाच्या आधारे पोलिसांनी पाच दिवस बिलालनगर परिसरात बोठेचा शोध घेतला. यापुर्वी दोन ते तीन वेळा पोलिसांना गुंगारा देण्यात बोठे यशस्वी झाला होता. मात्रयावेळी तो पोलिसांच्या जाळ्यात अडकला. मुबंई पोलिस व हैदराबाद पोलिसांच्या मदतीने अहमदनगर पोलिसांनी बोठे यास अटक केली. आज सायंकाळपर्यत नगरमध्ये आणल्यानंतर पारनेर न्यायालयात त्यास हजर केला जाणार आहे.
जर्नादन अकुला चंद्राप्पा (रा. सारोमानगर, रंगारेड्डी, हैदराबाद, तेलंगणा), पी. अनंतलक्ष्मी व्यंकटम सुब्बाचारी (रा. हैदराबाद, तेलंगणा) ( फरार), राजशेखर अंजय चाकाली ( रा. मुस्ताबाद, तेलंगणा), शेख इस्माईल शेख अली ( रा. रंगारेड्डी, तेलंगणा), अब्दुल रहमान अब्दुल आरीफ (रा. रंगारेड्डी, तेलंगणा) यांनी हैदराबादमध्ये बोठेस मदत केली.