आढळगाव :
श्रीगोंदा तालुक्यातील चांडगाव येथे नुकत्याच झालेल्या सरपंचपदी मनीषा रवींद्र म्हस्के यांची सलग दुसऱ्यांदा बिनविरोध निवड करण्यात आली. उपसरपंचपदी दादा रसाळ यांची निवड झाली.
ग्रामपंचायतीच्या निवडणुकीमध्ये नऊ जागांपैकी आठ जागा अनिल म्हस्के, तुकाराम चाकणे, अरविंद भालेकर आणि युवा नेते रवींद्र म्हस्के यांच्या नेतृत्वाखालील ग्रामविकास मंडळाने जिंकून निर्विवाद बहुमत मिळविले. आरक्षण सोडतीमध्ये सरपंचपद सर्वसाधारण व्यक्तीचा कौल मिळाल्यानंतरही विद्यमान सरपंच मनीषा म्हस्के यांनाच पुन्हा सरपंचपदाची जबाबदारी देण्याचा निर्णय सर्वानुमते घेण्यात आला.
सरपंच , पसरपंच पदाच्या बिनविरोध निवडी पार पडल्यानंतर नवीन पदाधिकाऱ्यांसह रंजना मच्छिंद्र गदादे, स्वाती रमेश म्हस्के, गोरख भानुदास चाकणे, नीलम संतोष चाकणे, निशिगंधा युवराज घोडके, मीना शोभाचंद म्हस्के, रमेश देवीदास म्हस्के या नवनिर्वाचित ग्रामपंचायत सदस्यांचाही ग्रामस्थांच्या वतीने सन्मान करण्यात आला. सरपंचपदी निवड झाल्यानंतर मनीषा म्हस्के यांनी आगामी पाच वर्षात शेतीसाठी शाश्वत पाणी आणि शैक्षणिक दृष्ट्या गावाची नवी ओळख निर्माण करण्याचा प्रयत्न करणार आहे. निवडणुकीनंतर आता राजकारण संपले असून ग्राम विकासासाठी सर्वांना बरोबर घेऊन काम करणार असल्याचे सांगितले.
फोटो : १३ मनीषा म्हस्के, १३ दादा रसाळ