अहमदनगर : जिल्ह्यातील ७०५ ग्रामपंचायतींच्या १ हजार ३२६ जागांसाठी ५ हजार ७९६ उमेदवार रिंगणात आहेत. या उमेदवारांसाठी शुक्रवारी (दि. १५) मतदान होत आहे. मतदानप्रक्रिया पार पाडण्यासाठी जिल्हा प्रशासनाने दीड हजार कर्मचारी तैनात केले आहेत. प्रत्येक मतदान केंद्रावर पाच कर्मचारी तैनात करण्यात आले असून, कोरोना प्रतिबंधक उपाययोजना करण्यात येणार आहे.
जिल्ह्यातील ७६७ ग्रामपंचायतींच्या ७ हजार १३४ जागांसाठी निवडणूक जाहीर झाली होती. ७६७ पैकी ५३ ग्रामपंचायती बिनविरोध झाल्या. ९ ग्रामपंचायतींमध्ये काही जागा बिनविरोध झाल्या, तर ३९ जागांसाठी अर्जच प्राप्त न झाल्याने त्या रिक्त राहणार आहेत. तेथे पोटनिवडणूक होईल. बिनविरोध झालेल्या ५३ ग्रामपंचायतींमध्ये १ हजार ३२६ जागा होत्या. तब्बल ९ हजार उमेदवारांनी अर्ज मागे घेतले. त्यामुळे आता ७०५ ग्रामपंचायतींसाठी १३ हजार १९४ उमेदवार रिंगणात आहेत.
--------
मतदानाची वेळ व तारीख
शुक्रवार, दि. १५ जानेवारी
वेळ- सकाळी ७.३० ते सायंकाळी ५. ३० वा.
मतमोजणी- १८ जानेवारी (तहसील कार्यालयात)
----------------
मतदान केंद्रांवर दीड हजार कर्मचारी
एका केंद्रावरील नियुक्ती- १ अधिकारी, ४ कर्मचारी
अधिकारी-५१९
कर्मचारी-१५ हजार १६४
एकूण-१५ हजार ६८३
एकूण मतदार-१३ लाख ६२ हजार ८८८
स्री मतदार-६ लाख ४८ हजार ५३३
पुरुष मतदार-७ लाख १४ हजार ३४६
--------------
कोरोना प्रतिबंधकात्मक उपाय
मतदान केंद्र गुरुवारीच सॅनिटाईज करण्यात येणार आहेत. मतदान केंद्रांवर मतदारांच्या तपासणीसाठी थर्मल स्क्रीनिंगद्वारे तापमान तपासला जाणार आहे. मतदारांना मास्क बंधनकारक असून, ओळख दाखविण्यापुरता मास्क काढावा लागेल. बाधित व क्वाॅरंटाइन रुग्णांसाठी शेवटचा अर्धा तास राखीव ठेवण्यात येणार आहे. कोरोनामुळे सामाजिक अंतर राखून मतदान करता यावे, यासाठी एका मतदान केंद्रावर सहाशे ते सातशे मतदारांना मतदान करण्याची व्यवस्था करण्यात आली आहे.
------------